GJERMANI-Kancelarja Angela Merkel, gjatë një konference të përbashkët për shtyp me kryeministrin e Japonisë, Shinzo Abe,  është shprehur se do të ndalojë tubimet elektorale të zyrtarëve turq në Gjermani, nëse presidenti turk, Erdogan, nuk do të ndalojë krahasimet e Gjermanisë me nazizmin.

 “Qeveria gjermane shprehet e rezervuar në lidhje me të drejtën për të rishqyrtuar autorizimet e dhëna deri më tani të pjesëmarrjes së politikanëve turke në mitingje elektorale në Gjermani në kuadrin e referendumit të 16 prillit”, ka thënë Merkel.

Tensionet mes Turqisë dhe Gjermanisë janë rritur gjatë javëve të fundit pasi autoritetet gjermane kanë ndaluar zhvillimin e disa tubimeve elektorale pro-Erdoganit, në lidhje me referendumin turk të 16 prillit.

Referendumi që do të zhvillohet në Turqi më 16 prill, kërkon kalimin e vendit nga një republikë parlamentare në presidenciale.

Redaksia Online
D.T/Shqiptarja.com