Gjermani, të Gjelbrit 'fluturojnë' në sondazhe

Sondazhet në Gjermani bien dakord te një emërues i përbashkët: të Gjelbrit po rriten dhe do të jenë surpriza në zgjedhjet evropiane që do të zhvillohen më 26 maj. Më pak se dy javë para votimeve, ata vazhdojnë të rriten në rreth 20% duke lënë pas Social Demokratët me vetëm 15%, ndërsa në vend të parë janë të stabilizuar Demokristianët e CDU dhe CSU me 28 dhe 30%. Në Baden-Virtemberg, rajoni i tretë më i madh gjerman në aspektin e madhësisë dhe popullsisë, të Gjelbrit pritet të marrin vota të plota.

Për t'u ndjere sa më afër shqetësimeve ekologjike të të gjelbërve, Angela Merkel mori pjesë në Takimin Ndërkombëtar mbi Ndryshimet Klimatike në kuadër të "Dialogut të Shën Petersburgut". Kancelarja gjermane tha se ishte gati të mbështeste propozimin e Francës për  emetim zero të karbonit deri në vitin 2050: "Fëmijë dhe adoleshentë nga e gjithë bota kanë demonstruar të premten për mbrojtjen e mjedisit dhe kanë kërkuar nga ana jonë veprime konkrete, përfshi dhe protestat e militanteve ambjentalistë në portat e Brandeburgut në Berlin, të cilët na kanë dërguar një mesazh të qartë: shanset janë duke u ezauruar”.

Ndonëse në janar pjesa e energjisë elektrike e prodhuar në Gjermani nga burimet e ripërtërishme ka tejkaluar atë të prodhuar nga qymyri, mbetet fakti se Gjermania, së bashku me Poloninë, është përgjegjëse për 50% të emetimeve të karbonit të të gjithë Bashkimit Evropian./Përgatiti Ilir Çuçi

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS