Gjermania kualifikohet në Botëror, Holanda bën goleadë, Rusia i merr vendin e parë Kroacisë në grupin H

Gjermania është skuadra e parë që siguron kualifikimin në Botërorin “Katar 2022”. Gjermania siguroi biletën për në Kupën e Botës pasi u hakmorr ndaj Maqedonisë së Veriut duke fituar 4-0 në transfertë. Skuadra e Flick kap Botërorin dy ndeshje nga fundi pasi e kryeson grupin J me 21 pikë në 8 ndeshje dhe nuk arrihet nga vendi i dytë. Ndaj Maqedonisë çdo gjë u vendos në pjesën e dytë ku për gjermanët shënuan Haverc, dy herë Verner dhe Musiala. Rumania mundi minimalisht Armeninë dhe mori vendin e dytë në grup.

Ndaj Gjibraltarit Holanda bëri goleadë dhe është shumë pranë kualifikimit në Botëror. Tulipanët fituan 6-0 dhe mbajnë vendin e parë në grupin G me 19 pikë dy më shumë se vendi i dytë. Në pozitën e dytë është Norvegjia që mposhti 2-0 Malin e Zi.

Surpriza e mbrëmjes erdhi në grupin H ku pati rrotacion në kryesim dhe Rusia i mori vendin e parë Kroacisë. Kroatët nuk shkuan dot më shumë se barazimi 2-2 ndaj Sllovakisë ndërsa Rusia fitoi 2-1 në Slloveni. Rusia pas 8 ndeshjesh mban vendin e parë me 19 pikë e Kroacia ka dy më pak. Ndërsa në grupin E Çekia e Uellsi që “luftojnë” për vendin e dytë i fituan ndeshjet respektive./Përgatiti Andi Kapxhiu

I.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të vendosen kufizime për personat e pavaksinuar?



×

Lajmi i fundit

John

Biden: SHBA nuk po shqyrton vendosjen e trupave amerikane në Ukrainë për të penguar një sulm të mundshëm rus