POP 5

Lajmet më të lexuara të 5 minutave të fundit

Politikë

Gjermania kundër nismës së opozitës: Vettingu në Politikë? Humbje kohe, pasi do ta bëjë SPAK-u

Opozita ka shpallur vettingun në politikë kauzën e re, ndërsa shumica ka deklaruar se drafti i dorëzuar në Kuvend më parë duhet të kalojë nga Komisioni i Venecias për opinion, pasi zyrtarët e lartë të shtetit do i hetojë SPAK dhe BKH.
Gjermania kundër nismës së opozitës: Vettingu në Politikë? Humbje kohe, pasi do ta bëjë SPAK-u

Ambasadorja e Gjermanisë në Tiranë, Susanne Schütz

TIRANE-Opozita ka shpallur vettingun në politikë kauzën e re, ndërsa shumica ka deklaruar se drafti i dorëzuar në Kuvend më parë duhet të kalojë nga Komisioni i Venecias për opinion, pasi zyrtarët e lartë të shtetit do i hetojë SPAK dhe BKH. E të njëjtit mendim është edhe ambasadorja e Gjermanisë në Tiranë, Susanne Schütz, e cila në një intervistë për DW shprehet se SPAK është institucion shumë i rëndësishëm për vettingun e politikanëve, ndërsa nismën e opozitës e cilëson si konsumim  kohe dhe energjie, që mund ta largojë vëmendjen nga vettungu i gjyqësorit.

Shpresoj që KLP dhe KLGJ të  zgjidhen sa më parë. Janë struktura shumë të rëndësishme të sistemit të ri të gjyqësorit. Kur të zgjidhet Këshilli i Lartë i Prokurorisë do të bëhet e mundur edhe zgjedhja e prokurorëve të SPAK – Prokuroria e Posaҫme kundër Korrupsionit dhe Krimit të organizuar- që besoj se do të jetë një institucion shumë i rëndësishëm për të kryer mes të tjerave edhe vettingun e  politikanëve.

Besoj që është shumë e rëndësishme që ҫdo mosrespektim i ligjit, - korrupsioni është një prej  tyre - duhet hetuar, pavarësisht nga kush e kryen, politikanë apo të tjerë.  Në demokraci, ku funksionon zbatimi i ligjit, ka mekanizma gjyqësorë për ta bërë këtë. Dhe  mendoj se ky është rasti edhe për hetimin e ҫdo lloj mosrespektimi të ligjit. Debati lidhur me vettingun e politikanëve kam frikë se është një konsumim  kohe dhe energjie, që mund ta largojë vëmendjen nga vettungu i gjyqësorit, që është vërtet thelbi i reformës në gjyqësor. Pa një vetting të suksesshëm të gjyqësorit nuk mund të ketë një sistem gjyqësor të reformuar për të hetuar politikanët.

Ambasadorja e Gjermanisë në Tiranë, Susanne Schütz

Kryedemokrati Basha në asnjërën nga pikat nuk përmend vettingun për familjarët e politikanëve. Shumica kërkon që nëse do të bëhet një ligj i tillë duhet që patjetër të përfshijë familjarët, por kryeministri Edi Rama ka paralajmëruar se fillimisht nisma e PD do të dërgohet në Komisionin e Venecias. Ndërkohë që Lulzim Basha e ka kundërshtuar një lëvizje të tillë.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15