Siç njofton Ministria e Ekonomisw dhe Financave, drejtuesja e kwsaj minitrie, Anila Denaj dhe Drejtori i Zyrës së KfW-së në Shqipëri, Z. Björn Thies nënshkruan ditwn e djeshme marrëveshjet për projektin ‘Programi i Investimeve për Shpërndarjen e Energjisë Elektrike I’, në vlerën e 32 milionë euro.
Financimi për këtë projekt është dhënë nga ana e Qeverisë Gjermane përmes Bankës Gjermane për Zhvillim KfW. Projekti ka për qëllim investime në sistemin e shpërndarjes së energjisë elektrike për të rritur qëndrueshmërinë e rrjetit dhe të ulë humbjet. Po ashtu, projekti do të mbështesë dixhitalizimin e e menaxhimit të rrjetit të OSHEE-së duke zgjeruar dhe përmirësuar qendrën e kontrollit të shpërndarjes me një sistem të fjalës së fundit IT për Sistemin e Kontrollit dhe Menaxhimit të të Dhënave (SCADA) etj. Furnizimi i qëndrueshëm me energji elektrike do të përmirësojë klimën e biznesit dhe kushtet e jetesës në Shqipëri.
Ky investim është pjesë e një pakete mbështetjeje të financuar nga Qeveria Gjermane përmes KfW-së që përfshin shërbime këshilluese menaxheriale për OSHEE-në si edhe përgatitjen e një plani për zhvillimin e rrjetit si edhe të një plani investimesh për sistemin e shpërndarjes.
Gjatë fjalës së saj, Ministrja e Financave dhe Ekonomisë, Znj. Denaj theksoi se: “nga pikëpamja strategjike, programi do të ndikojë në përmirësimin e rrjetit të shpërndarjes së energjisë elektrike, reduktimin e humbjeve të energjisë elektrike në rrjetin e shpërndarjes, si dhe rritjen e cilësisë dhe sigurisë së furnizimit me energji elektrike për klientët.”
“Në emër të Qeverisë Gjermane, KfW ka dhënë mbështetje për sektorin e energjisë për shumë vite me radhë, duke punuar së bashku me OST dhe KESH. Zgjerimi i kësaj mbështetjeje tanimë edhe me OSHEE është një hap I rëndësishëm në bashkëpunimin tonë,” nënvizoi Drejtori i Zyrës së KfW-së në Tiranë, Z. Thies.
KfW është një ndër bankat për zhvillim lider në botë. Me eksperiencën e saj shumë-vjeçare KfW është e angazhuar që në emër të Republikës Federale Gjernane si edhe të Landeve Federale të përmirësojë kushtet ekonomike, sociale, ekologjike si edhe kushtet e jetesës në mbarë botën.
Në Shqipëri, KfW zbaton bashkëpunimin financiar dhe siguron grante dhe kredi të buta për investime kyçe në infrastrukturë dhe shërbime konsulence që lidhen me projekte të ndryshme. Bashkëpunimi Gjermano-Shqiptar filloi në vitin 1988, duke shënuar 30 vjet në 2018. Që nga ai vit Qeveria Gjermane ka angazhuar një shume totale prej mbi një milliardë euro.
Sektori i energjisë është një nga sektoret kyç të Bashkëpunimit Financiar Gjermani-Shqipëri, për të cilin Qeveria Gjermane ka angazhuar rreth 370 milionë euro, që nga viti 1998.
Disa nga projektet më të rëndësishme përfshijnë zbatimin e projekteve strategjike për sektorin e energjisë elektrike si linja e transmetimit 400 kV nga Tirana në Podgoricë, linja e transmetimit 400 KV Tiranë-Prishtinë, linja e transmetimit 400 kV Elbasan – Bitola (Maqedonia e Veriut), linjën unazore 110 kV në jug të Shqipërisë, duke përfshirë këtu edhe zgjerimin e prodhimit, transmetimit dhe shpërndarjes së energjise elektrike, masat për sigurinë e digave në kaskadën lumit Drin, si edhe masat e lidhura me rehabilitimin nga ana e efiçencës së energjisë të konvikteve të Qytetit Studenti të Universitetit të Tiranës. Në dhjetor 2018, filloi edhe programi për reformën e sektorit të energjisë elektrike, me një shumë prej 100 milionë euro, i cili ka për qëllim mbështetjen e proçesit të reformave që do të ndërmarrë Shqipëria në sektorin e energjisë në kuadër të angazhimeve të saj ndërkombëtare për të përmirësuar performancën e sektorit gjatë rrugës së tij drejtë Evropës.
Lajme të tjera
-
Skema e TVSH-së në bujqësi shkakton debate në Komisionin Ekonomisë/ Braçe-Denaj: Ka 6 vjet që bëni studime! Ministrja: Gati ta rishikojmë tatimin
13 Nëntor, 16:33
-
Komisioni i Ekonomisë/ Denaj për buxhetin 2025: Rrisim mbështetjen me subvencione të skemës për produktet, 4% më shumë buxhet nga viti i kaluar
13 Nëntor, 14:51 -
Denaj prezanton pr.buxhetin 2025: 15 miliardë lekë për bujqësinë dhe zhvillimin rural! Lançojmë skemën e Garancisë Sovrane në 2025
11 Nëntor, 12:32 -
Decentralizimi i shërbimeve bujqësore-Denaj: Marrëveshja me 4 bashki një shërbim dhe vendimmarrje më e mirë
22 Tetor, 15:10 -
Vlorë/ Ministrja Denaj prezanton Skemën Kombëtare të Investimeve në Bujqësi
21 Tetor, 17:05 -
Orban: Javën e ardhshme në Luksemburg Shqipëria hap negociatat për grup kapitullin e parë, ju përgëzoj! Rama: Hungaria, model për ne! 350 milionë euro investime
11 Tetor, 14:18 -
Skema Kombëtare e Investimeve për fermerët, Veliaj: Aplikoni deri më 8 Nëntor për të përfituar falas pajisje që lehtësojnë punën tuaj
8 Tetor, 16:21 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Hapen aplikimet, fermerët 5 javë për të bërë gati dosjet! Grante deri në 50% nga shteti
30 Shtator, 15:39
-
Vendimet e qeverisë/ Miratohet 'Skema Kombëtare e Investimeve në ferma', Denaj: 50 % grant për fermerët, aplikimet nisin nga 1 tetori
18 Shtator, 12:21 -
Denaj në Komisionin për Ekonominë dhe Financat: Prodhimi organik, prioritet për të ardhmen e bujqësisë shqiptare
16 Shtator, 12:01 -
Bujqësi, Veterinari dhe Teknologji Ushqimore, Denaj fton të rinjtë t’i drejtohen shkollave profesionale
10 Shtator, 09:46
