POP 5

Lajmet më të lexuara të 5 minutave të fundit

Ekonomi

Gjermeni në Divjakë, inspekton,nis
zbatimi i projekteve ekonomike

Ministrja e Zhvillimit Urban znj. Eglantina Gjermeni zhvilloi sot një vizitë në bashkinë Divjakë, ku së bashku me Kryetarin e Bashkisë z. Fredi Kokoneshi, inspektoi punimet e dy projekteve të financuara nga Fondi i Zhvillimit të Rajoneve në këtë Bashki.
Ministrja e Zhvillimit Urban znj. Eglantina Gjermeni zhvilloi sot një vizitë në bashkinë Divjakë, ku së bashku me Kryetarin e Bashkisë z. Fredi Kokoneshi, inspektoi punimet e dy projekteve të financuara nga Fondi i Zhvillimit të Rajoneve në këtë bashki.

Për vitin 2014 dhe 2015 , nga Fondi i Zhvillimit të Rajoneve në Bashkinë e Divjakës u investuan në total rreth 212 milionë lekë për dy projekte, përkatësisht: “Rivitalizimi i sheshit qendror dhe trotuareve të akseve kryesore” me vlerë totale investimi njëqind e shtatëdhjetë e shtatë milionë lekë dhe “Rikonstruksioni i Pedonales së Divjakës”, me vlerë investimi rreth 40 milionë lekë.

Të dyja këto projekte, i japin një fizionomi dhe impuls të ri zhvillimit urban të qytetit duke ofruar më shumë hapësira të gjelbra për qytetarët.

Në fjalën e saj Ministrja Gjermeni tha se, - “projekti për rivitalizimin e sheshit qendror të qytetit, me një vlerë financimi 177,070,591 lekë i alokuar në vitin 2015, që lidh zonën qendrore të Parkut Kombëtar të Divjakës me qendrën e qytetit, përfshin disa komponente të rëndësishme nga ku do të veçoja, pistën e biçikletave, lulishtet dhe trotuaret për këmbësorët”. 

"Lajmi i mirë - nënvizoi më tej Gjermeni- është se për këtë bashki, në mbledhjen e fundit të Komitetit të Zhvillimit të Rajoneve u miratuan edhe dy projekte të reja, përkatësisht: Unaza Bujqësore Mertish – 3 urat dhe Rruga Gradisht – Spolat i Madh, me një vlerë financimi rreth 578,621,741 lekë. Të dyja këto projekte, që synojnë rehabilitimin e infrastrukturës rrugore, do t’i shërbejnë të gjithë territorit të Bashkisë së re Divjakë, dhe veçanërisht fermerëve të kësaj zone." 

Ministrja Gjermeni, vlerësoi bashkëpunimin me bashkinë Divjakë dhe punën e bërë në zbatimin me cilësi të projekteve të financuara nga Qeveria Shqiptare.

“Kyçi i suksesit është bashkëpunimi shumë i mirë që ne kemi pasur me Bashkinë Divjakë, në zbatimin e projekteve të zhvillimit urban dhe ekonomik”, - përfundoi Gjermeni.

Bashkia Divjakë është gjithashtu një nga 26 bashkitë e përzgjedhura, që do të asistohet financiarisht dhe teknikisht nga Qeveria dhe Ministria e Zhvillimit Urban, për hartimin e planit të përgjithshëm vendor, një instrument i nevojshëm ligjor për të garantuar një zhvillim të integruar dhe të qëndrueshëm social dhe ekonomik, që i hap rrugë investimeve në të gjithë territorin e ri të kësaj bashkie.
gjermeni
Redaksia Online
(m.p/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident në aksin Librazhd- Prrenjas, trajleri del nga rruga, s'ka të lënduar

Aksident në aksin Librazhd- Prrenjas, trajleri del nga rruga, s'ka të lënduar

11 Janar, 17:49