Qytetarët me të ardhura të ulëta, pensionistë dhe ata që janë me ndihmë ekonomike do të mund të blejnë dru për ngrohje me gjysmën e çmimit. Nisma është ndërmarrë nga Bashkia e Elbasanit e cila këtë vit ka vendosur t’i menaxhojë vetë duke u ardhur në ndihmë qytetarëve më në nevojë.
Sekretari i Përgjithshëm i PS Damian Gjiknuri që është njëherësh dhe drejtues politik i qarkut bashkë me Kryetarin e Bashkisë Gledian Llatja ishin në Fushën e Druve të qytetit ku janë marrë të gjitha masat për të përballuar dimrin.
Gjiknuri vlerësoi këtë politikë të ndjekur nga Bashkia e Elbasanit që u vjen në ndihmë familjeve në nevojë. “Është një politikë e mirëfilltë sociale. Pra një burim natyror që ka Bashkia e Elbasanit, siç janë pasuritë pyjore që ka Elbasani, shfrytëzohen nga vetë Bashkia, jo nga privati dhe kjo duhet theksuar, duke u ardhur në ndihmë qytetarëve. Situata energjitike s’ka nevojë të komentohet, tashmë është bërë një problem mbarë botëror rritja e çmimit të energjisë dhe mungesa e energjisë në treg sidomos dhe në Shqipëri për arsye të thatësirës. Kjo do të bëjë që familjet të mos goditen nga përdorimi i konsumit të energjisë, por t’i kthehen druve të zjarrit të shitura apo të ofruara nga Bashkia me një çmim minimal”, deklaroi ai.
Drejtuesi politik i PS për qarkun Elbasan nënvizoi se qëllimi nuk është rikthimi tek drutë si formë alternative ngrohjeje, por ndihma për qytetarët në një periudhë të vështirë energjitike. :” Janë qytetarët e qytetit të Elbasanit të cilët kanë të ardhura të ulëta, të cilët janë pensionistë të vetmuar, të cilët janë me ndihmë ekonomike dhe që janë njerëzit më në nevojë ata që do të përfitojnë nga kjo ofertë dhe incentivë e Bashkisë. Nuk është qëllimi që të shkojmë te drutë e zjarrit si formë alternative ngrohje, por në këto nevoja ekstreme qe jemi në kushtet kur mungesa e energjisë është e madhe, në kushtet kur i bëhet thirrje popullatës për kursim, kjo formë alternative është një formë shumë e mirë për kohën që jemi. Unë mendoj që Bashkia e Elbasanit është pionere në këtë drejtim”, u shpreh Gjiknuri.
Sekretari I Përgjithshëm i PS sqaroi se lënda drusore që do të përdoret për ngrohje është siguruar nga prerjet e nevojshme për mirëmbajtjen e pyjeve duke marrë më parë dhe miratimin e ekspertëve. “Ky dru nuk pritet për qëllime përfitimi, por është një dru që shërben edhe për mirëmbajtjen e pyllit. Janë prerje të nevojshme. Dikur i bënin privatët, nxirrnin fitimet. Tashmë e bën Bashkia dhe ua ofron qytetarëve më në nevojë. Prandaj doja ta theksoja aspektin social - komunitar, e mira publike duhet të prevalojë kudo”, deklaroi Damian Gjiknuri.
Kryetari i Bashkisë së Elbasanit Gledian Llatja deklaroi se nga ky vendim do të përfitojnë rreth 2000 familje më në nevojë. “Nëse më parë drutë ose parcelat e pyjeve jepeshin me koncesion apo forma të tjera, Bashkia e Elbasanit ka zgjedhur t’i mbajë dhe t’I trajtojë vetë për të mirën e qytetarëve. Çdo familje në nevojë do të marrë gati me gjysmën e çmimit të vlerës së tregut drutë e zjarrit këtë vit. Edhe drutë e konfiskuara që janë prerë në mënyrë të paligjshme do të kalojnë në shërbim të qytetarëve”, theksoi kryebashkiaku Llatja.
Lajme të tjera
-
Elbasan/ Vodhi 115 kilogramë bakër në uzinën mekanike që administronte dhe bëri denoncim të rremë në Polici, arrestohet 41 vjeçari
4 Nëntor, 10:41 -
Komedia ‘Horoskopi babilonas’ në teatrin ‘Skampa’ në Elbasan! Ironi e të qeshura
4 Nëntor, 10:00
-
Korrupsioni në Universitetin e Elbasanit, Prokuroria jep detajet për 7 pedagogët dhe sekserin: U morën si provë filmimet, procesverbali i lëndëve dhe u kontrolluan banesat
3 Nëntor, 15:25 -
‘Furtuna’ në Universitetin e Elbasanit! 6 pedagogë të arrestuar, profesoresha e 'Letërsisë pë fëmijë' ende në kërkim! Akuzohen se kaluan në provime 31 vjeçaren për të marrë rryshfet
2 Nëntor, 09:41 -
‘Furtunë’ në Universitetin e Elbasanit, arrestohen 7 pedagogë të Mësuesisë! U merrnin studentëve deri në 500 euro për provim, në pranga edhe sekseri (EMRAT)
1 Nëntor, 22:10
-
Mbahet edicioni i parë i çmimit ‘Sami Frashëri’ në Belsh, Ben Blushi me ‘Komplotin’ shpallet shkrimtari më i mirë
1 Nëntor, 18:40
-
Aksident në tunelin Elbasan-Tiranë, makina përplaset me kamionin, përfshihet nga flakët! Plagosen 3 persona
1 Nëntor, 13:30 -
Elbasan/ Pjesë e një bande kriminale të trafikut të drogës, bie në pranga 60-vjeçari! Theu masën e sigurisë dhe nuk iu bind policisë të ndalonte
1 Nëntor, 11:25 -
Hektor Mushi nuk justifikoi dot pasurinë, KPA e Vettingut lë në fuqi shkarkimin e prokurorit të Elbasanit! Detajet e dosjes (VENDIMI)
31 Tetor, 16:50 -
Elbasan/ E rëndë në fshatin Pajovë, përplasen dy makina! Njëra humb kontrollin dhe përplas për vdekje fëmijën 8 vjeçar që po rrinte në trotuar! Arrestohen dy drejtuesit
31 Tetor, 15:08 -
Bllokuan rrethrrotullimin e Bradasheshit, Gjykata liron nga burgu 3 protestuesit e PD, do hetohen në liri! 3 ende në kërkim dhe 20 nën hetim (LISTA)
31 Tetor, 15:05 -
Protesta e opozitës/ 3 të arrestuar në Elbasan, 3 në kërkim! Në hetim 20 protestues dhe 3 deputetët të PD
30 Tetor, 09:45
