Drejtuesi politik i Partisë Socialiste në Qarkun e Vlorës Damian Gjiknuri në kuadër të fushatës elektorale për zgjedhjet e 30 qershorit ka zhvilluar një takim në Ksamil ku ka prezantuar kandidatin e PS për bashkinë e Sarandës, Adrian Gurma.
Kandidati Gurma, në fjalën e tij para qytetarëve theksoi se janë programuar disa investime që kapin vlerën e 10 milion eurove në këtë njësi administrative të bashkisë.
“Janë programuar mbi 10 milion euro investime për shëtitoren e re dhe nuk besoj se është shifër e vogël. Është programuar investim për infrastrukturën brenda pallateve. Edhe në takimet e bëra bashkë gjatë ditëve të fundit kam vënë re se ka nevojë për ndërhyrje. Në 4 vitet e ardhshme do ta kemi në fokus Ksamilin. Dua tu kërkoj me sinqeritet dhe çiltërsi të më jepni votën në 30 Qershor dhe do tua kthej këtë votë në shërbim ndaj jush. Nuk themi se do të bëjmë mrekullira por ju garantoj se Ksamili në 4 vitet e ardhshme do të jetë shumë më mirë se sot”, u shpreh Gurma.
Ndërkaq, drejtuesi politik i socialistëve në këtë qark, Damian Gjiknuri tha se Ksamili është një pjesë e rëndësishme e Bashkisë Sarandë dhe ka nevojë për vëmendje.
“Këtu janë bërë shumë gjëra. Ka patur probleme me legalizimet dhe një pjesë e mirë e këtij procesi ka përfunduar. Në këto dy vjet është bërë një numër i madh legalizimesh dhe kjo tregon për vëmendjen e shtuar të qeverisë edhe në këtë zonë. Janë bërë investime me rëndësi edhe në elektrik, kanalizime dhe ujësjellës. Mbetet prioritare një shëtitore e Ksamilit që i jep pamjen e një zone bregdetare. Është një projekt për të cilin kemi folur me Fondin e Zhvillimit dhe me mbështetjen e Kryeministrit”, theksoi Gjiknuri.
Më tej, ai kërkoi votën e gjithë qytetarëve për kandidaturën e Adrian Gurmës dhe ekipit të këshilltarëve socialist.
“Këto zgjedhje nuk janë thjesht për Adrianin dhe Këshillin Bashkiak, pasi jam i bindur se ky do të fitojë me mbështetjen tuaj. Askush prej jush nuk ka pse e hedh votën dëm as për ndonjë kandidat të pavarur, pavarësisht se unë nuk kam asgjë me personin dhe ne nuk e kemi zakon të shajmë. Çdo njeri ka shansin e vet në jetë por ju keni nevojë për kryebashkiak që kanë mbështetje të fortë politike dhe të përfaqësojnë një formacion të madh politik pasi kjo nuk është çështje punësimi për një person në krye të bashkisë. Vota për Adrian Gurmën është një garanci më shumë që ato projekte të mëdha që kemi nisur, ne ti vazhdojmë për Sarandën. Fokusi i investimeve kryesore të jetë në Ksamil dhe ky duhet të jetë angazhimi ynë publik”, nënvizoi Gjiknuri.
Lajme të tjera
-
E përditshmja britanike 'Express': Shqipëria ndër vendet më të mira për të shkuar me pushime në 2025
25 Dhjetor, 09:52 -
Sarandë/ Konflikt në familje, gruaja vret burrin në fshatin Metoq (EMRAT)
24 Dhjetor, 08:47 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Konispol, sherr mes disa të rinjve, dy të plagosur me sende të forta
22 Dhjetor, 12:41 -
Shpërndanin drogë në Sarandë e Delvinë, “Arrest në burg” për 12 persona
18 Dhjetor, 17:02
-
I dënuar me 21 vite burg në Itali për trafik droge, konfiskohen dy resorte në Sarandë të Emiljan Burbës! Vlera rreth 3 mln euro (VENDIMI)
18 Dhjetor, 10:04 -
Atentati ndaj shqiptarëve në Athinë, rihapet dosja e vrasjes së 32-vjeçarit shqiptar Roan Brahimi, armikut të Ervis Martinajt! Dyshohet se kanë lidhje
17 Dhjetor, 15:10 -
Policia operacion kundër shpërndarësve të drogës në Vlorë, Sarandë e Delvinë, 12 të arrestuar, 1 në kërkim
16 Dhjetor, 10:57 -
VIDEO/ Merr flakë banesa në katin e parë të një pallati në Sarandë, fqinjët shpëtojnë të moshuarën që jetonte aty
15 Dhjetor, 16:46 -
Digjet furgoni në Metoq të Sarandës, ende nuk dihen shkaqet! Policia dhe zjarrfikësja në vendngjarje
9 Dhjetor, 11:46 -
Konispoli prodhon 50 mijë ton mandarina, prek tregjet më të mëdha nga Polonia deri në Rusi
7 Dhjetor, 10:49
-
Sarandë/ Goditën me sende te forta 19 vjeçarin, 3 të rinj në kërkim
5 Dhjetor, 10:07
