Gjiknuri tha se Boçi strehon trafikantë droge në makinë! Noka i del në mbrojtje: Mos i jep zemër çunave të DAP për të vijuar krimin zgjedhor

Gjiknuri tha se Boçi strehon trafikantë droge në makinë! Noka i del në mbrojtje: Mos i jep zemër çunave të DAP për të vijuar krimin zgjedhor

Flamur Noka

Flamur Noka i ka dalë në mbrojtje kandidatit të koalicionit Berisha-Meta në Elbasan, Luçiano Boçi, për të cilin Damian Gjiknuri tha se strehon në makinën e tij persona me precedent penal ndërkombëtar në trafikun e drogës.

Noka i thotë se kandidati real është vetë Gjiknuri jo Gledjan Llatja, për të cilin shprehet se e ka marrë në qafë me instistimin për tiu futur në garë. Noka nuk jep asnjë shpjegim për deklaratën e Gjiknurit por thotë se PS do e humbë Elbasanin në zgjedhjet e së dielës.

“Pergjigje e detyruar Damjanit... Damian. Sot ta kuptoj shqetësimin dhe zemërimin tënd! Nuk është e lehtë të jesh në pozitën  e njeriut qe shoqëron nje kandidat te  përbuzur dhe të papranueshëm kudo që shkon në qytet E ke te veshtire te gelltisesh faktin qe Elbasani ta refuzoj krijesën tënde politike. Ne e dimë që kandidati real je ti, jo Llatja – të cilin e ke marrë në qafë me insistimin tënd për ta kandiduar. Damian! Rama dhe Rilindja “jote” nuk e kuptoni forcën e reagimit dhe shpirtin e  revoltës te qytetareve kur zgjedh t'i poshtërosh dhe t'i konsiderosh numra dhe t'i vendosësh seicilit nga një vlerë monetare.

E ke të humbur Damian! Qytetarët e Elbasanit thjesht po presin të dielën! Po presin të ju  tregojnë se qytetaria nuk mbytet me banalitet, se dinjiteti nuk blihet me para, se vota jo kudo ka çmim. Fitoren e Luçiano Boçit  nuk e mohon dot askush. Elbasani gelon nga shpresa e ndryshimit . Sepse fitorja e Luçiano Boçit ka  fytyrën e qytetarëve të Elbasanit dhe jo si kandidati yt qe ne  fytyre ka  tymin, blozen  e inceneratorit..”, shkroi Noka.

Më tej vijoi mbrojtjen për Boçin duke hedhur akuza ndaj Rilindjes se ka afërsi politike me horrat, banditët dhe blerësit e votës. Më pas vijoi duke thënë se me çunat problematikë do të merret ligji. Për miqtë e Gjiknurit, Nok tha se do t’i hidhen prangat dhe parashikon përgjigjen që do t’i japë: “Përgjegjësia është vetëm personale!” Në përfundim nxjerr dy lista që pretendon se janë personat që ka vendosur Rilindja për të blerë vota.

“Qytetarët e Elbasanit do të flasin me votë si njerëz plot dinjitet, te dielen… Nuk ka shqiptar qe se di se Rilindja ka afersi politike e shpirterore me horrat, banditet bleresit e votes ….Një proverb i mençur thotë se “kush jeton në shtepi prej xhami nuk gjuan dot me gure… Drejtoria e Administratës Publike (DAP) ta ka bërë me dije se cilët janë çunat problematikë që ti keni emëruar si drejtorë në bashkinë e Elbasanit. DAP këshillon që ata nuk mund të jenë në detyrë. Mos u perpiq  t'u japësh atyre zemër për ta vazhduar krimin e tyre zgjedhor, sepse ajo që nuk u garanton dot është siguria (juridike).  Ndaj leri ata cunat problematike te merret ligji me ta se nuk do i shpetosh dot.... Miqtë e tu - ata çunat problematikë e dinë se kur t’u hidhen prangat - njësoj si shefi yt, ti ke një shprehje të preferuar për ta: Përgjegjësia është vetëm personale!  Për rikujtesë emrat i ke te plota. Pa iniciale. Nga DAP”, shkroi Noka.

Ky reagim i Nokës erdhi pasi sekretari i Përgjithshëm i PS, njëherësh Drejtues Politik i Qarkut Elbasan, Damian Gjiknuri i ka bërë thirrje organeve të drejtësisë që të hetojnë kandidatin Luçiano Boçi i cili strehon në makinën e tij persona me precedent penal ndërkombëtar në trafikun e drogës.

“Gjithashtu, përpara se sa të kthejë poezitë e tij në tekste kallëzimesh, kandidati Lul Boçi duhet të japë llogari para organeve të drejtësisë përse strehon në makinën e tij persona me precedent penal ndërkombëtar në trafikun e drogës si shtetasi I.SH. apo personazh tjetër i botës së krimit si shtetasi M.D. me të cilët lëviz kryesisht natën nëpër lagje e fshatra të Bashkisë së Elbasanit! Ndaj këtyre të fundit, organet ligjzbatuese dhe ato të drejtësisë duhet të bëjnë menjëherë punën e tyre”, tha Gjiknuri.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    EURO 2024/ Fillojnë ndeshjet e fundit, a mendoni se Shqipëria kalon grupin?



×

Lajmi i fundit

Euro 2024/ Fullkrug nderon 'Panzerat' në limte, Gjermania barazon 1-1 me Zvicrën dhe del e para në Grupin A! Skoci 0-1 Hungari, trishtohet Shqipëria

Euro 2024/ Fullkrug nderon 'Panzerat' në limte, Gjermania barazon 1-1 me Zvicrën dhe del e para në Grupin A! Skoci 0-1 Hungari, trishtohet Shqipëria