Gjinushi shprehet se PSD pretendon që të marrë tre mandate, ndërsa shton se Basha aleatët e vet i futi në lista dhe se marrëveshja PS-PD është politike dhe jo juridike.
Gjinushi shprehet se pa PSD, Rama nuk e formon dot qeverinë, ndërsa thotë se me mandatet që do të marrë në zgjedhjet e 25 qershorit nuk e lë në baltë të majtën, por do të bashkojë votat për të bërë 71 mandate.
“PSD nuk e lë të majtën në baltë, PS nuk mund të fitojë e vetme zgjedhjet. Nuk i ka kapur as në 2009 dhe as në 2013, 71 vetëm.
Ne luftojmë në qarqet e mëdha nga Vlora në Shkodër, pretendojmë mbi tre mandate. PS të na mbështesë në zonat tona dhe ne e mbështesim në zonat e tjera.
PS e di mirë, llogaritë tona nuk kanë dalë kurrë të gabuara, ka qenë PS që ka kërkuar falje, dhe për të tretën herë nuk mund të kërkojë falje.
Nëse Rama vlerëson se i duhen votat e aleatëve ka edhe dy ditë kohë për të krijuar koalicionet, ka edhe dy ditë kohë me një formë ligjore, ndryshe duhet të respektojë marrëdhënien reciproke me PSD.
Ne Rama nuk na kërkuar të tërhiqemi, në një komunikim të drejtpërdrejt e ka marrë këtë përgjigje, besoj që do të reflektojë.
Ka afat deri në 26 dhe kërkush nuk të ndalon të bësh koalicione, Basha i futi të vetët dhe marrëveshja është politike dhe nuk ka asnjë vlerë juridike.
Kështu që kush ka vullnet pozitiv për një bashkëpunim bën koalicione. Ramës i duhen mandatet e PSD.
Kodi penalizon aq sa penalizon, PS mos gabojë më rëndë dhe të shikojë veten të humbur” deklaroi ai.
dy.b/shqiptarja.com
![](https://www.shqiptarja.com/template/img/sh_logo1.png)