POP 5

Lajmet më të lexuara të 5 minutave të fundit

Bota

Gjiri i Omanit, shpërthime në dy anije naftëmbajtëse: hipoteza e një sulmi

Në Gjirin e Omanit, dy anije naftëmbajtëse janë përfshirë nga zjarri ndërsa flota e pestë e Marinës së SHBA ka asistuar duke shpëtuar 44 anëtarët e ekuipazhit.

Në Gjirin e Omanit, dy anije naftëmbajtëse janë përfshirë nga zjarri, ndërsa flota e pestë e Marinës së SHBA ka asistuar ekuipazhet. Dinamika e asaj që ndodhi nuk është ende e qartë. Hipoteza e një sulmi të mundshëm qëndron pezull.

Dy tankerat me naftë në kohën e shpërthimit ndodheshin në zonën e Gjirit, jashtë brigjeve të Omanit. Fillimisht u fol për një sulm, pastaj mediat zyrtare iraniane deklaruan se ishte një aksident.

Flota e pestë e Marinës së SHBA-ve e ka bërë të ditur se ka ndihmuar tankerët e naftës, duke shpëtuar 44 anëtarët e ekuipazhit.

Aktualisht dinamika e aksidentit nuk është e qartë. Flota e pestë e Marinës së Shteteve të Bashkuara me bazë në Bahrein i raportoi mediave ndërkombëtare se kishte marrë dy thirrje për ndihmë.

Pas sulmit të dyshuar, çmimet e naftës në bursë u rritën me 4 për qind.

Zona e shpërthimit ndodhet pranë Ngushticës së Hormuzit, një portë e rëndësishme për terminalet e naftës së vendeve të Gjirit dhe Iranit.

Incidenti vjen një muaj pas sabotimit të katër tankerëve të naftës në brigjet e Emirateve të Bashkuara Arabe, gjë e cila shtoi më tej tensionet në rajon.

Emiratet e Bashkuara Arabe i raportuan anëtarëve të Këshillit të Sigurimit të OKB-së se sulmet ndaj katër çisterna nafte mbajnë shenjat e një "operacioni të sofistikuar dhe të koordinuar", me gjasë nga një aktor shtetëror./Përgatiti Ilir Çuçi

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

'Tipologji e re e turizmit në Shqipëri', eksperti: Vijnë shumë të rinj! Jo për plazhe por për ture, Gjirokastra nga më të preferuarit

'Tipologji e re e turizmit në Shqipëri', eksperti: Vijnë shumë të rinj! Jo për plazhe por për ture, Gjirokastra nga më të preferuarit

22 Korrik, 22:13