Në Gjirokastër është organizuar “Java e gjuhës dhe kulturës italiane”. Rreth 65 nxënës të shkollës "Koto Hoxhi", dhe "Urani Rumbo" kanë marrë pjesë në një konkurs të organizuar nga ambasada italiane në bashkëpunim me Konsullatën e Nderit të Italisë në Gjirokastër, duke bërë disa ese me temë “Integrimi Europian i Shqipërisë”.

Dy prej nxënësve të përzgjedhur me esetë me të mira, Erisa Lamaj dhe Erik Cici, shprehen për Shqiptarja.com se iniciativa të tilla, stimulojnë në perfeksionimin e gjuhës italiane.

Tashmë është kthyer në një traditë që në të dy shkollat ku mësohet gjuha italiane, të implementohen projekte stimuluese për perfeksionimin e kësaj gjuhe, njohjen e mëtejshme të historisë dhe kulturës së saj.

Redaksia Online
(u.s/shqiptarja.com)