Gjirokastër, vdes 56- vjeçari
i alkoolizuar u përplas në kalldrëm

GJIROKASTER- Një 56 vjeçar nga Gjirokastra humbi jetën sot si pasojë e konsumimit të alkoolit. Policia e Gjirokastrës tha se "Andrea Toska,56 vjeç, banor i qytetit të Gjirokastrës u gjet pa ndjenja në orët e para të mëngjesit të sotëm nga kalimtarë të rastit, në një rrugicë me kalldrëm që lidh lagjen Pllakë me sheshin e ish-angjencisë së udhëtarëve të qytetit".

56 vjeçari është dërguar me urgjencë në spital, por me gjithë ndihmën mjekësore të dhënë rreth orës 08.30 minuta ka ndëruar jetë në spital.

Nga kqyrja e kufomës rezultoi se në trupin e shtetasit Andrea Toska , nuk kishte shenja dhune a dëmtime të tjera përveç asaj në kokë si pasojë e përplasjes në kalldrëm.

Nga ekspertiza mjeko-ligjore rezultoi se shkaku i humbjes së jetës ishte konsumimi i tepërt i alkoolit.

Mësohet se 56 vjeçari duke qenë i alkoolizuar nuk ka mundur të vazhdojë rrugën për në banesë dhe për pasojë ka ngrirë nga të ftohtit, pasi ka qenë në shi për rreth 3 orë. Ai ka qenë i divorcuar dhe njihej si përdorues i alkoolit .
sg/shqiptarja.com(