GJIROKASTËR- Me kërkesë të Prokurorisë së Gjirokastrës një personi i janë sekuestruar biznese, tokë truall dhe magazina, pasi ka dyshime se rrjedhin nga veprimtari kriminale.
Sipas njoftimit, pasuritë e sekuestruara kanë qenë të personit me inicialet D.A, i dyshuar për pjesëmarrje dhe kryerje të krimeve nga grup kriminal tek prodhimi e shitja e narkotikëve.
Gjatë procedimit pasuror u identifikuan pasuritë e paluajtshme si tokë truall, lokal dhe magazinë, fushë mini futbolli dhe autoveturë “Mercedes Benz”, blerja e të cilave sipas prokurorisë nuk justifikohet me të ardhurat e këtij personi dhe të familjarëve të tij.
‘Bazuar në ligjin nr.10192, datë 03.12.2009 “Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë” dhe në kuadër të hetimit të procedimit pasuror nr.2, viti 2019, nga hetimet paraprake të Prokurorisë pranë Gjykatës së Shkallës së Parë të Juridiksionit të Përgjithshëm, Gjirokastër, rezultoi se ky shtetas nuk justifikon pasuritë e luajtshme dhe të paluajtshme me të ardhurat dhe burimet financiare. Ndërsa rezulton se ka dyshime të bazuara në indicie për pjesëmarrje dhe kryerje të krimeve nga grup i strukturuar kriminal, si dhe për kryerjen e krimeve të parashikuara në nenet 283, 283/a dhe 284/a të Kodit Penal’, thuhet në njoftim.
Pasuritë e sekuestruara:
-Pasuria e llojit “Truall” me sipërfaqe 350m2, në qytetin Gjirokastër
-Pasuria e llojit “Truall” me sipërfaqe 1500m2 dhe ndërtim 23 m2 në Lazarat, Gjirokastër
-Pasuria e llojit “Truall” me sipërfaqe 450 m2, në Grehot, Gjirokastër
-Pasuria e llojit “Truall” me sipërfaqe 1646 m2 në Grehot, Gjirokastër
-Pasuria e llojit “Arë” me sipërfaqe 7000 m2 në fshatin Arshi Lengo, Gjirokastër
-Objekt tregtie sipërfaqe e zënë 6500 m2, ndërtuar në vitin 2005 fshati Kordhocë, Lazarat
-Lokal dhe magazinë, ndërtuar në vitin 2013 fshati Kordhocë
-Fushë mini futbolli me sip. 500 m2 dhe ndërtesë një kat me sipërfaqe 37.2 m2, ndërtuar në Lazarat
-Autoveturë “Mercedes Benz”.
Komente
Lajme të tjera
-
Lonely Planet: 15 gjërat më të mira për të bërë në Shqipëri
21 Mars, 23:05 -
Gjirokastër/ Zjarr në një pallat, evakuuohen banorët, shkak një shkëndijë elektrike
21 Mars, 16:33 -
Gjirokastër/ I shpallur në kërkim për prodhim dhe shitje të lëndëve narkotike, arrestohet 67- vjeçari
21 Mars, 15:12 -
Këlcyrë/ Çmontohet grupi i plaçkitjes së banesave, 2 të arrestuar, një prej tyre i mitur! Shtëpia e braktisur u kthye në bazë ku mbaheshin armatimet dhe sendet e vjedhura (VIDEO)
21 Mars, 10:07 -
Gjirokastër/ Tentativë grabitje në një pikë këmbimi valutor, autori i maskuar largohet 'duar bosh', arrestohet nga policia
20 Mars, 12:20 -
Shpërdoroi detyrën, Apeli i GJKKO lë në fuqi dënimin me 8 muaj burg për ish-kryebashkiaken e Libohovës! I konvertohet në 1 vit e 4 muaj shërbim prove
19 Mars, 13:15
-
Operacioni ‘Kilovati’ në Gjirokastër/ Instalonin matës të energjisë elektrike pa regjistrim, ekzekutohen 16 masa sigurie! Në pranga punonjës dhe ish punonjës të OSHEE
19 Mars, 10:50 -
Nis restaurimi i kompleksit ‘Angonatët’, ikona e Gjirokastrës muzeale! Fondi 30 mln lekë
18 Mars, 19:10
-
FOTOLAJM/ Të gjithë të bezdisur nga Tritani në Gjirokastër
17 Mars, 22:15 -
Përmet/ Makina 'Benz' rrokulliset dhe përmbyset anash rrugës, plagoset drejtuesi 79-vjeçar! Ja për çfarë dyshon policia (EMRI)
17 Mars, 15:28
-
Gjirokastër/ I dënuar me 3 vite burg për shitje të lëndëve narkotike, arrestohet 34-vjeçari i shpallur në kërkim
16 Mars, 16:59 -
Gjirokastër/ Humbën rrugën duke eksploruar zonën e Labovës së Madhe, shpëtohen dy turistë gjermanë nga policia
13 Mars, 21:28
