Gjirokastër/ Në kërkim të referendumit, aktivistët e shoqërisë civile mbledhin firmat e qytetarëve

Aktivistë të shoqërisë civile po mbledhin firmat e qytetarëve për t'i kërkuar parlamentin miratimin e ligjit për referendumet. Kërkohen plot 20 mijë firma për këtë nismë.

"Ligji për referendumet është një iniciativë qytetare bazuar në ligjin e 2019 që u jep të drejtën 20 mijë shqiptarëve me të drejtë vote që të mund të kërkojnë që parlamenti i ardhshëm të aprovojë një ligj për referendumet", tha juristja Enida Bozheku.

Nga Tirana aktivistët mbërritën në Gjirokastër e më tej do të rrugëtojnë në çdo bashki. Aktivistja Brizida Gjikondi shpjegon se pse është e rëndësishme vota popullore.

Në vazhdim të turit tonë në të gjithë Shqipërinë për të bërë të mundur që shqiptarët të njohin të drejtën elementare për referendimin. prej 2003 nuk ka në Shqipëri një ligj për referendumet.

"Në turin në gjithë Shqipërinë të njohin të drejtën për referendimin prej 2003 nuk ka ligj për referendumit shqiptar për referendumit për ta cuar këtij rrugëtimi të mundishëm kanë të drejtë për cështje të ndryshme", shprehet Gjikondi.

Gjikondi siguron se kjo iniciativë nuk ka prapavijë politike, madje akuzon politikanët se kanë lënë qëllimisht Shqipërinë pa një ligj për votën popullore.  

Shqipëria prej vitit 2003 nuk ka një ligj për referendumet, edhe pse Kushtetuta e njeh këtë të drejtë. Asambleja Parlamentare e Këshillit të Evropës ka rekomanduar disa here përdorimin e referendumit si një mjet demokratik për rritjen e përgjegjshmërisë së institucioneve. 

E.M./b.ha./Shqiptarja.com

TAG:
• Gjirokaster
• shoqeria civile
• Brizida Gjikondi
• referendum
• Enida Bozhekun