Gjoba deri në 3000 euro për 41 turistë, vodhën rërë dhe guacka në plazhin e Sardenjës

Dhjetëra turistë do të duhet të paguajnë shtrenjtë për ‘suveniret’ e tyre nga plazhet e mbrojtura të Sardenjës.

Media italiane bënë publike të shtunë se autoritet doganore të ishullit kishin dhënë gjoba deri në 3,000 euro për 41 persona të cilët ditët e fundit u përpoqën të largoheshin nga ishulli me një total prej 100 kilogramësh rërë, guaska deti dhe gurë të vegjël.

Agjencia e lajmeve LaPresse tha se në disa raste turistët kishin vendosur suvenirin e plazhit për shitje në internet, duke furnizuar tregun e paligjshëm të etur për suvenire të  tilla, duke përfshirë zonat e turizmit përgjatë bregut smerald të ishullit italian.

Çanta me rërë, guacka dhe gurë u sekuestruan në aeroportet dhe portet e Sardenjës në përputhje me një ligj rajonal të vitit 2017 që përcakton gjoba nga 500 euro (600 dollarë) deri në 3000 euro. Rëra e kapur u kthye nga autoritetet në plazhe. Ligji synon të parandalojë efektin kumulativ të heqjes së rërës dhe guackave nga miliona turistë që dynden çdo vit në ishullin mesdhetar, i cili është i njohur për shtrirje të gjata të plazheve të pacenuara me rërë.

TAG:
• itali
• sardenja
• plazhet