Gjykata e krimeve të Rënda ka dhënë sot vendimin për tre autorët e gjobvënies ndaj biznesmenit J.B, ku për të tre janë dhënë në total 51 vite burg.

Më konkretisht, 8 vite burg është dhënë për Genc Ferhatin, 7 vite burg për Pajtim Serjanin dhe 7 vite për Ditmar Reçin, Arjanit Luli 7 vite, Klevis Kardashi 7 vite, Elvis Karoli 7 vite dhe Arben Haxhihyseni 8 vite burg.

Ferhati, Serjani dhe Reçi janë dënuar nga Gjykata e Krimeve të Rënda pasi në bashkëpunim me njëri tjetrin i kanë vënë gjobë biznesmenit ndërkohë që si bashkëpunëtorë të tyre dyshohen edhe dy të tjerë.

Sipas policisë ka qenë J.B i cili ka denoncuar se është dhunuar në Tiranë nga personat e arrestuar, pasi sipas tij ata i kishin futur kokën në kovë me ujë në një banesë në zonën e Tiranës së re dhe i kërkonin pagesë e lekëve.

Po ashtu në kallëzimin e tij J.B ka deklaruar se në telefon Genc Ferhati i ka deklaruar se gjithë jetën do punosh për ne.
 

Redaksia Online
(F.T/shqiptarja.com)