POP 5

Lajmet më të lexuara të 5 minutave të fundit

Kronikë

Gjobiten me 7.3 mln lekë
karburantet, bllokohen 3

Gjobiten me 7.3 milionë lek të reja 16 pika karburantesh në vend, ndërkohë që 3 të tjerë janë bllokuar. Inspektorati Shtetëror Teknik ka publikuar masat e mara gjatë muajit tetor, ku bie në sy bllokimi i 3 karburnateve, një në Vlorë, një në Delvinë dhe një në Lushnje.
Gjobiten me 7.3 milionë lek të reja 16 pika karburantesh në vend, ndërkohë që 3 të tjerë janë bllokuar. Inspektorati Shtetëror Teknik ka publikuar masat e mara gjatë muajit tetor, ku bie në sy bllokimi i 3 karburnateve, një në Vlorë, një në Delvinë dhe një në Lushnje. Ndërkohë që gjobat për 16 karburantet e tjerë varjojnë nga 150 mijë lekë deri në 1.5 milionë lekë. Arsyjet e gjobitjes janë mungesa e dokumentacionit, mosrespektimi i kushteve teknike por edhe tregtimi i naftës dhe benzinës, jashtë kushteve të parashikuara në ligj.

“Inspektorati Shtetëror Teknik dhe Industrial (ISHTI) publikon rezultatet e inspektimeve të ushtruara në subjektet e tregtimit me shumicë dhe pakicë të karburanteve dhe të lëndëve djegëse, pajisjeve nën presion dhe instalimeve elektrike për muajin tetor 2016. Fokusi i kontrolleve të kryera ishte zbatimi i dispozitave të ligjit nr.8450 datë 24.02.1999 “Për përpunimin, transportimin dhe tregtimin e naftës, të gazit dhe nënprodukteve të tyre”, ligji nr.32/2016 datë 24.03.2016 “Për garantimin e sigurisë së punës së pajisjeve/instalimeve nën presion” si dhe VKM  nr.212, datë 16.3.2016 “Për përcaktimin e kushteve dhe të rregullave teknike për përpunimin e bombolave të mbushura me gaz të lëngshëm të naftës (GLN)” dhe ligji nr. 8734, datë 01.02.2001 “Për garantimin e sigurisë se punës te pajisjeve dhe instalimeve elektrike”, i ndryshuar. Nga inspektimet e bëra nga Inspektorati Shtetëror Teknik dhe Industrial për periudhën tetor 2016 janë gjobitur 19 subjekte. Më poshtë gjeni listën e subjekteve si dhe informacionin përkatës për secilin subject”, - thuhet në një njoftim të ISHTI.

Inspektorati Shtetëror Teknik prej më shumë se dy vjetësh ka filluar aksionin për kontrollet e të gjitha subjekteve që tregtojnë naftë, benzinë e gaz. Deri tani janë vendosur me qindra gjoba, ndërkohë që numri i karburanteve që janë bllokuar është shumë i ulët. Prej vitesh qytetarët shqiptarë ankohen për sa i përket cilësisë së naftës dhe benzinës që hedhin në makinën e tyre. Nga hetimet e deritanishme, Kontrolli i Lartë i Shtetit dhe Prokuroria kanë arritur që të gjejnë disa raste ku nafta e papërpunuar Virgin përzihet me naftë cilësore. Nga ana e saj qeveria ka bërë dhe ndryshime ligjore për të rritur masën e gjobave dhe për të forcuar kontrollet, që kanë dhënë efekt, pasi ka një numër të lartë subjektesh që janë gjobitur për mungesën e cilësisë apo të dokumentacionit të kërkuar.

karburantet

Redaksia Online
Al.N/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03