Etilda Gjonaj nuk do të jetë më në qeverinë "Rama 3". Pas katër vitesh në krye të ministrisë së Drejtësie, Gjonaj është caktuar nga Rama në qeverinë mandati të tretë si sekretare për rolin e gruas. Në një intervistë për Report Tv, Gjonaj tha se ka bërë punë sinjifikative në krye të dikasterit të drejtësisë dhe se beson se punët e nisura do të çohen para nga pasuesi i saj Ulsi Manja.
"Në 4 vite në krye të drejtësisë jam munduar të jap maksimumin tim dhe besoj se falë mbështetjes që kamë marrë kemi arritur rezultate sinjifikative që do të çohen para nga Ulsi Manja. Besoj se një ministre me një mandat të plotë është i mjaftueshëm dhe besoj se kjo është një kohë e mjaftueshme në krye të dikasterit. Unë i uroj suksese Ulsi Manjës dhe kam bindjen se do të çojë para të gjitha projektet e nisura", tha Gjonaj për Report Tv.
Ndërsa nga ana tjetër Niko Peleshi është rikonfirmuar në rolin e Ministrit të Mbrojtjes. Para mediave Peleshi tha se priste një emër tjetër, pasi të gjithë janë të zëvendësueshëm.
“Jam shumë i bindur që ajo çka u parashtrua nga kryeministri, mbi nevojën e një rishikimi të gjithë organizatës sonë politike, mendësisë dhe kulturës, edhe pse jemi fitimtarë, është ajo që duhet të na motivojë të gjithëve. Kemi detyrimin të lexojmë mirë edhe votën pro, edhe atë kundër, edhe votën e shqiptarëve, që mbase na panë si alternativën më të mirë, por jo aq të mirë sa do donin të ishim. Unë kam prej 8 muajsh që shërbej në pozicionin e ministrit të Mbrojtjes, por kur fillon një mandat i ri, fillon një qeveri e re. Ne nuk jemi të pazëvendësueshëm. Kështu që prisja edhe emra të rinj, për të cilët nuk do të kisha hatërmbetje, por do ju uroja më të mirën", tha Peleshi.
Arben Ahmetaj do të jetë zëvendëskryeministër në qeverinë Rama 3 duke zëvendësuar Erion Braçes, i cili ditë më parë lajmëroi largimin nga çdo drejtim qeverisës. Ahmetaj u shpreh i emocionuar nga posti i ri, ndërsa e konsideroi atë nj përgjegjësi të madhe.
“Me shumë përgjegjshmëri dhe me shumë emocion, nuk kam pse ta fsheh se është përgjegjësi e madhe. Dhe vazhdojmë projektin e Rilindjes me kryeministrin Rama”, tha Ahmetaj.
Rikonfirmimin në detyrë si ministre e Kulturës, Elva Margariti e shikon si një përgjegjësi dhe një sfidë të madhe. Ndërsa fokusin e punës në këtë mandat të tretë qeverisës do ta përqendrojë edhe tek fëmijët. Margariti është në mesin e Ministreve pa mandat deputeti.
“Me më shumë përgjegjësi dhe më shumë energji. Kjo përgjegjësi e dhënë nga Kyeministri, nuk është një fitim besimi për sot, por është një luftë për të fituar atë gjithmonë e në vazhdim. Fokusi në mandatin e trete: Janë mungesat e hapësirave për artin dhe kulturën, por edhe mbi të gjitha politika të reja për fëmijët. Jemi në hartimin e qendrës kombëtare të kulturës për fëmijë. Sot është patjetër një sfidë e madhe dhe një përgjegjësi e madhe e shtuar”, tha ministrja Margariti.
Evis Kushi do të ndajë ministrinë me vartësen e vet, Bora Muzhaqi, e cila mbante postin e zv.ministres së Arsimit. Në një prononcim për mediat Kushi tha se është e lumtur për Bora Muzhaqin pasi është një person që përkushtohet dhe ka besimin se do të punojë mirë.
Të rinjtë, tha Kushi, kanë pasur gjithmonë mbështetjen e Ramës dhe se emri i Bora Muzhaqit nuk ishte surprizë për të.
"Kryeministri gjithmonë i ka mbështetur të rinjtë, përfshirjen e tyre në vendimmarrjen politike. Nuk është ndonjë suprizë, Bora ka qenë gjithmonë e përkushtuar dhe kam besim se do të punojë mirë. Aq më tepër unë e njoh se e kam patur zv/ministre” tha Kushi.
Kryeministri Rama konfirmon në krye të Ministrisë së Arsimit dhe Sporteve, Evis Kushin, ndërsa krijoi dhe një dikaster të ri atë për Rininë, ku vendosi Bora Muzhaqin ministre shteti për Rininë dhe Fëmijët
Pasi u rikonfirmua në krye të ministrisë së Shëndetësisë dhe Mbrojtjes Sociale, Ogerta Manastirliu në një deklaratë për medie tha se bashkë me ekipin kanë bërë një punë të mirë sa i përket menaxhimit të pandemisë. Puna nuk bëhet vetëm, tha Manastirliu, por në ekip.
“Puna nuk bëhet vetëm por në ekip. Nën drejtimin e Ramës padyshim që përpjekjet e ekipit në ministrinë e shëndetësisë ia kemi dalë të shkojmë në një nivel të mirë sa i përket të gjithë administrimit të menaxhimit të pandemisë”, tha ministrja.
Milva Ikonomi nuk do të jetë më Ministre e bujqësisë, por është caktuar në Ministrinë e Shtetit për Standardet dhe Shërbimet, ministri pa portofol. Për Ikonomin ky është një hap i ri dhe se ka shumë gjëra që duhen bërë më mirë.
“Është një hap tjetër, sepse është një ministri komplet e re, është një gjë komplet e re, kështu që është shumë mirë. Ka shumë gjëra përpara që duhen bërë mirë, që duhen përmirësuar, në mënyrë që publikut t’i shërbehet më mirë. Kjo do të jetë sfida jonë”, tha Ikonomi.
Supriza e sotme në Asamblenë e PS ishte prezantimi i Ditmir Bushatit nga kryeministri Edi Rama si anëtar i akademisë politike dhe kandidat për anëtar kryesie. Pas përfundimit të asamblesë ku u prezantuan emrat e rinj të qeverisë Rama 3, në një deklaratë për medie u shpreh se shpreson që të zgjidhet dhe ta vazhdojë ta japë kontributin e tij në PS.
“Shpresoj të zgjidhem dhe të vazhdoj kontributin tim për Partinë Socialiste.”, tha Bushati.
Debati politik tha Bushati ka nevojë për përmirësim dhe duhet të fillojë nga PS.
"Kam përshtypjen që në fjalën e tij Rama e cilësoi që ka vend për të përmirësuar të gjithë hapësirën e debatit politik dhe përmirësimi debatit politik duhet të fillojë nga Partia Socialiste”.
Komente
Lajme të tjera
-
Konferenca/ Peleshi: Bardhi e interpreton ndryshe, Parlamenti s’kontrollon vetveten! Duket veprim politik, periudha e zgjedhjeve s’e lejon ngritjen e Komisionit
23 Dhjetor, 13:58 -
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
Fier/ Manastirliu takim me drejtuesit e shkollave: Pezullim deri në zbardhjen e ngjarjes të drejtuesve dhe oficerit të sigurisë të shkollës në Cakran
13 Dhjetor, 19:37 -
Debate në Kuvend për Opinionin e Venecias për Xhaçkën/ Bardhi: Shpikët një opinion që nuk ekziston! Bushka: Autonomia parlamentare fitoi të drejtën
12 Dhjetor, 12:53 -
Interpelanca për vrasjen e 14-vjeçarit/ Zhupa kërkon dorëheqjen e Manastirliut: Sistem i dështuar! Ministrja: Ke hallin e karrgies, s’të ndihmojmë dot
12 Dhjetor, 11:08 -
Kuvend/ PS rrëzon me votë interpelancën me Ramën për 'Becchetin', e kërkoi PD! Spiropali: Eshtë shpifje! PDIU shpëton PS, votohen projektligjet
12 Dhjetor, 07:50 -
Goditja e korrupsionit me tenderët, koncensionet dhe investimet strategjike! Çfarë thonë ekspertët e Komisionit të Posaçëm
10 Dhjetor, 20:53 -
Gjonaj: Brenda dhjetorit depozitohet në Kuvend një paketë ligjore kundër dhunës online ndaj grave
4 Dhjetor, 14:55 -
'Vrasja e Martinit u përdor politikisht', Rama në Fier: Institut për fëmijët në krime! Brenda dhjetorit kamera në klasa! Kontroll për çdo gjë metalike
30 Nëntor, 13:07 -
Fier/ Rama dhe Manastirliu me prindërit tek shkolla 'Janaq Kilica' për kufizimin e TikTok dhe Snapchat! Ministrja: Këto platforma sfidojnë mësuesit dhe ndikojnë tek shëndeti mendor
30 Nëntor, 12:05 -
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34
etilda ishte tamam ministre, dinte te komunikonte dhe nuk bente as sherr e as debate te kota. ja te shohim ket qe do vi tani, ky i dosjes
Përgjigju