Gjoni: Rama si Trump, më shumë marketing se politik! Biden zgjedhja e duhur për gjeopolitikën botërore (VIDEO)

Mes Donald Trump dhe Joe Biden, deputeti i  opozitës së re, Ralf Gjoni zgjedh këtë të fundit. I ftuar në Report Tv në transmetimin maratonë për zgjedhjet presidenciale në SHBA, Gjoni tha se Biden do i sillte gjeopolitikës një qetësi të munguar. Ai ka bërë krahasimin e Trump me Ramën duke thënë se është ekspert i marketingut, pra bën më tepër marketing sesa politik.

Për Gjonin, kjo ka qenë fushata më e mërzitshme që ka pasur Amerika.

"Mua nuk më ndryshon jetën as zgjedhja e Trump e as e Biden. Nuk do të ketë një ndryshim të madh në jetët tona, por në gjeopolitikën botërore zgjedhja e duhur do të ishte Biden. Ka qenë një fushatë e mërzitshme, dy kandidatë të lodhur të vjetër në moshë, Trump po garon vetëm me batuta, Biden duke atakuar Trump, "më votoni mua që të mos keni Trump".

LEXO EDHE:
SHBA/ Prokuroria: Trump u përpoq të manipulonte zgjedhjet e 2016, i dha para pornostares që të heshtë! Avokatët: Padia e pabazë

Asnjë president amerikan nuk merren me çështjet e Brendshme Shqiptare, ato kanë problemin e tyre të mos njohjes së votave, ka 6 çështje në gjykata për të kontestuar disa votime dhe priten dhe hedhje të tjera në gjyq. As 5G nuk është prioritet i madh i Shqipërisë unë mendoj që Biden do ishte më i përshtatshëm, do i sillte qetësi rolit tradicional të Amerikës në botë.

Trump thotë disa të vërteta të parehatshme, bën marketing jo politik, si Rama. Shumica e kabinetit të tij i ka ikur, ose pushuar ose kanë dhënë dorëheqjen. Sepse Trump në të gjitha takimet që bëri dje u thoshte njerëzve "viti që vjen do jetë më i miri në historinë e Amerikës". Fiton fushatën me batuta dhe qeveris me batuta. në sot me Amerikanët jemi vëllezër krah për krah se të dy popujt vuajn show e dy njerëzve.

Biden do ishte një lajm shumë i mirë se do qetësonte gjakrat si brenda Amerikës dhe në botë. Do doja që të mos ishte lajm i mirë për lotarinë Amerikane që të mos ikin shqiptarë, mendoj se me lotarinë amerikane do jetë më i butë dhe më mikpritës, edhe ndaj shqiptarëve. Pop të mos kishte ndodhur COVID, Trump do e kishte më të lehtë që të merrte një mandat të dytë", tha Gjoni.

Lajmi kryesor:

Zgjedhjet në SHBA, Report Tv transmetim maratonë! Pjesëmarrje e madhe votuesish në disa shtete

B.K./r.k./Shqiptarja.com

TAG:
• donald trump
• zgjedhjet ne shba
• zgjedhje presidenciale
• Joe Biden