POP 5

Lajmet më të lexuara të 5 minutave të fundit

Arkiva

Gjuhëtarët kundër Berishës:
Kinezçja në shkollë, marrëzi

Dy gjuhëtarët e njohur, Jorgo Bulo dhe Rahmi Memushaj, shprehen të habitur nga një deklaratë e tillë e kryeministrit Berisha për t'i dhënë prioritet gjuhës kineze dhe aq më tepër për ta bërë atë gjuhë të detyrueshme. Gjuhëtarët nuk kanë ngurruar ta quajnë këtë deklaratë të Berishës një marrëzi, dhe kanë shtuar se shqiptarët mbi të gjitha kanë nevojë të mësojnë shqipen. ( ne foto gjuhetaret Rami Memushaj, ne te majte dhe Jorgo Bulo ne te djathte)
Sondazhi: Duhet femija juaj te mesoje kinezçen
Rezultati i sondazhit deri tani:  60 %  kundër
Berisha: Fëmijët të mësojnë gjuhën kineze në shkolla, PS: Shpikje e kryeministrit
VIDEO-Kinezja që këndon shqip
Gjuhëtarët kundër Berishës:<br />Kinezçja në shkollë, marrëzi
TIRANE- Kryeministri Berisha ka deklaruar dje nismën për zyrtarizimin e gjuhës kineze si gjuhë e huaj e dytë në shkollat e arsimit parauniversitar. Por kjo deklaratë e kryeministrit Berisha për gjuhën kineze ka ngjallur reagimin e gjuhëtarëve, të cilët e quajnë këtë thjesht një marrëzi të kreut të qeverisë.

Dy gjuhëtarët e njohur, Jorgo Bulo dhe Rahmi Memushaj, shprehen të habitur nga një deklaratë e tillë e kryeministrit Berisha për t'i dhënë prioritet gjuhës kineze dhe aq më tepër për ta bërë atë gjuhë të detyrueshme.

Gjuhëtarët nuk kanë ngurruar ta quajnë këtë deklaratë të Berishës një marrëzi, dhe kanë shtuar se shqiptarët mbi të gjitha kanë nevojë të mësojnë shqipen.
Rami Memushaj, pedagog i gjuhësisë te fakulteti i filologjisë në Universitetin e Tiranës, dhe që ka qëndruar tre vite në Kinë, nuk ngurron ta quajë këtë deklaratë të Berishës vetëm një marrëzi. "Marrëzi. Nuk mund të jetë kinezçja gjuhë e huaj e dytë për nxënësit shqiptarë. Madje ne në Shqipëri nuk kemi fare katedër të kësaj gjuhe, dhe si mund të vendoset ajo gjuhë e dytë?, - thotë profesor Memushaj në një prononcim për të publikuar sot në gazetën Shqiptarja.com

Jorgo Bulo, një tjetër gjuhëtar i njohur, njëkohësisht anëtar i Akademisë së Shkencave shton se këtë nismë, pra nëse kinezçja do të jetë gjuhë e huaj e dytë me detyrim në shkollat tona, nuk e justifikon as pretendimi se Kina po bëhet një superfuqi. "Nëse është kështu edhe India shumë shpejt ka gjasa të jetë superfuqi, çdo të thotë kjo, që pastaj ne të jemi të detyruar të mësojmë edhe gjuhën indiane?"  - thotë Jorgo Bulo.
(Reagimin e plote mund ta lexoni sot në gazeten shqiptarja.com)

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

Hidhet shorti i Kupës së Shqipërisë, mësohen sfidat gjysmëfinale! Përballje të forta në fushë

Hidhet shorti i Kupës së Shqipërisë, mësohen sfidat gjysmëfinale! Përballje të forta në fushë

30 Mars, 11:05