Gjykata Komerciale e Kosovës vendosi në favor të televizionit Klan Kosova, duke anuluar vendimin e qeverisë për pezullimin e certifikatës së biznesit të këtij televizioni.
Kjo gjykatë tha se ka miratuar padinë e Klan Kosovës ndaj Ministrisë së Tregtisë e cila më 14 qershor të vitit 2023 vendosi pezullimin e certifikatës së biznesit të këtij televizioni “për shkak të parregullsive” me rastin e regjistrimit të biznesit.
Ministria tha se në regjistrimin e biznesit shkruan “Pejë – Serbia dhe Gjakovë – Serbia”, duke theksuar se “nuk lejohet regjistrimi i një biznesi ku vendbanimi është në kundërshtim me parimet themelore të Kushtetutës së Republikës së Kosovës”.
Klan Kosova tha se paraqiti dokumentet e plotësuara me 21 qershor në Agjencinë e Regjistrimit të Bizneseve e cila po atë ditë shfuqizoi vendimin për pezullimin e certifikatës. Por një ditë më pas vendimi u rikthye duke bërë që Klan Kosova të dërgojë ankesë në Komisionin për Shqyrtimin e Ankesave për Regjistrimin e Bizneseve.
Me 28 korrik ky Komision vendosi ta hedhë poshtë ankesën Klan Kosovës dhe ta konfirmojë përfundimisht pezullimin e certifikatës së biznesit të këtij televizioni.
Klan Kosova dërgoi çështjen në Gjykatën Komerciale e cila me 3 gusht vendosi shtyrjen e zbatimit të vendimit të qeverisë duke shmangur mbylljen e televizionit deri në një vendim përfundimtar.
Në një njoftim të kësaj gjykate që mban datën 13 mars dhe u publikua të hënën, thuhet se “miratohet në tërësi si e bazuar kërkesëpadia e paditësit “Klan Kosova”. Anulohen vendimi datës 28 korrik 2023 i Komisionit për Shqyrtimin e Ankesave për Regjistrimin e Bizneseve dhe Vendimi 14 qershor 2023 i Agjencisë për Regjistrimin e Bizneseve në Kosovë”.
Në njoftim thuhet se “ky aktgjykim i zëvendëson aktet e anuluara dhe ka karakter detyrues”.
Vendimi për pezullimin e certifikatës së biznesit të televizionit Klan Kosova qe pasuar me reagime të ashpra në Kosovë dhe u cilësua si goditje e rëndë ndaj lirisë së medias. Por autoritetet këmbëngulën se, siç thuhet, zbatimi i ligjit kundër sipërmarrësve të fuqishëm që e shkelin atë për përftime financiare, nuk paraqet sulm ndaj lirisë së medias.
Nuk pati ndonjë reagim të menjëhershëm ndaj vendimit të Gjykatës Komerciale e cila tha se palët mund të paraqesin ankesë brenda 15 ditësh./VOA
Lajme të tjera
-
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58 -
Kimete Berisha: Me Mickovskin kundër gjuhës shqipe
20 Nëntor, 11:20
-
Osmani i kthen dy ligje Kurtit, presidentja kërkon rishqyrtim për Këshillin e Sigurisë dhe mbrojtjen e konsumatorit
20 Nëntor, 09:42
