POP 5

Lajmet më të lexuara të 5 minutave të fundit

Kronikë

Gjykata e Lartë rrëzon indianin Nitin Mishra, do të ekstradohet në SHBA! Akuzohet për trafik droge dhe ilaçesh

Gjykata e Lartë ka rrëzuar rekursin nga shtetasi indian Nitin Mishra, i njohur dhe me emrin Ricky Sequierra. Indiani bëri rekurs kundër vendimit nr. 170, datë 02.03.2023, të Gjykatës së Apelit të Juridiksionit të Përgjithshëm e cila ka aprovuar ekstradimin e tij në SHBA. Indiani Nitin Mishra (Ricky Sequierra) i kërkuar në SHBA për trafik droge dhe Ilaçesh

Gjykata e Lartë rrëzon indianin Nitin Mishra, do të ekstradohet në SHBA! Akuzohet për trafik droge dhe ilaçesh

Nitin Mishra (Ricky Sequierra)

ELBASAN- Gjykata e Lartë ka rrëzuar rekursin nga shtetasi indian Nitin Mishra, i njohur dhe me emrin Ricky Sequierra. Indiani bëri rekurs kundër vendimit nr. 170, datë 02.03.2023, të Gjykatës së Apelit të Juridiksionit të Përgjithshëm e cila ka aprovuar ekstradimin e tij në SHBA. Indiani Nitin Mishra (Ricky Sequierra) i kërkuar në SHBA për trafik droge dhe Ilaçesh.

Kërkesa për ekstradim i është përcjellë nga Ministria e Drejtësisë, Prokurorisë së Rrethit Gjyqësor Tiranë, e cila në vijim ka depozituar kërkesë për miratimin e ekstradimit, duke lejuar ekstradimin e shtetasit indian Nitin Mishra alias Ricky Sequierra nga Republika e Shqipërisë drejt Shteteve të Bashkuara të Amerikës. Prokuroria kërkon që t'i dorëzohen shtetit amerikan edhe sendet që i janë sekuestruar shtetasit indian Nitin Nishra në momentin e arrestimit në datën 12.10.2022.

Gjatë një hetimi nga DEA, u zbulua se subjekti i kësaj kërkese ekstradimi, shtetasi indian Nitin Mishra ishte pjesë e një organizate transnacionale trafiku substancash narkotike, e cila po shpërndante në Shtetet e Bashkuara të Amerikës produkte të ndryshme të kontrolluara farmaceutike të falsifikuara nga vende të tjera.

Sapo pakot voluminoze mbërrinin në SHBA, bashkëpunëtorët e vendosur brenda territorit të SHBA ua shpërndanin barnat klientëve pa pasur ndonjë recetë të ligjshme nga një mjek. Ky hetim ka identifikuar Mishra-n si pronari i një website që shpërndan substanca të kontrolluara. Mishra përpunonte personalisht porositë e barnave, drejtonte pagesat dhe transportuesit e barnave që ndodheshin jashtë dhe brenda SHBA, që ata të dërgonin pako barnash nëpërmjet Shërbimit Postar. Në një rast, Mishra komunikoi drejtpërdrejt me një agjent të fshehtë të DEA-s (person i infiltruar), mori pagesa për barnat nga agjenti i fshehtë dhe drejtoi dërgimin e substancave të ndryshme të kontrolluara te agjenti i fshehtë në Distriktin Lindor të Wisconsin.

31-vjeçari u arrestua nw Rinas mw 14 tetorit 2022 pasi ishte i shpallur në kërkim ndërkombëtar nga autoritetet amerikane për trafik droge. Ndaj tij kishte dy urdhër arreste të lëshuara nga dy gjykata të ndryshme në Shtetet e Bashkuara të Amerikës. 31-vjeçari indian u arrestua me qëllim ekstradimin drejt SHBA-së, për veprën penale të trafikimit të lëndëve narkotike, e kryer në formën e grupit kriminal.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15