POP 5

Lajmet më të lexuara të 5 minutave të fundit

Kronikë

Gjykata lejon bluzat me mesazhe 
fetare: "Më dërgove djalin në Siri"

Gjykata e Krimeve të Rënda lejon bluzat me mbishkrimin “Jam krenar që jam mysliman” duke zhbllokuar procesin ndaj imamëve nën akuzë për terrorizëm. Në seancën e kësaj të marte prokuroria ka vënë Genci Ballën përballë dëshmitarit Zamir Mani, i cili e akuzon se i ka dërguar djalin në Siri dhe e pengonte ta takonte kur ai ishte në Tiranë. VIDEO
Gjykata lejon bluzat me mesazhe <br />fetare:
TIRANË­ - Zhbllokohet procesi ndaj 9 imamëve nën akuzë për terrorizëm pasi Gjykata e Krimeve të Rënda lejoi familjarët dhe mbështetësit e imamëve të futen në sallë me bluzat që mbajnë mbishkrimin: “Jam krenar që jam mysliman”.

Me të njëjtat bluza ishin veshur dhe 9 të pandehur, mes tyre Fadil Muslimani, Genci Balla, Bujar Hysa të cilët për dy seanca braktisën procesin duke vendosur si kusht lejimin e të afërmve të tyre të futeshin me veshjen ku përcillej mesazhi fetar.

Në seancën e kësaj të martë dhanë deklarime 5 dëshmitarët e thërritur nga prokuroria. Dëshmitari Zamir Mani deklaroi në sallë se Genci Balla sipas informacioneve që ai ka mbledhur i ka dërguar djalin dhe ish bashkëshorten në Siri. 

Mani u shpreh se ish gruaja e tij Elmira pas ndarjes jetonte me Genci Ballën, dhe kur ky ka ardhur të kërkowj djalin tre besimtarë i kanë dalë para tek xhamia e Unazës së Re duke i folur në emër të Ballës me mesazhin: Nuk ke më punë me Elmirën pasi tani ajo është motra jonë.

Por këto pretendime janë rrëzuar nga vetë Balla i cili u shpreh se këto deklarime nuk faktojnë asnjë lidhje me terrorizmin për të cilin ai është nën akuzë.

Në këtë seancë nuk mungoi dhe ndryshimi i dëshmisë nga Erzen Gashi i cili i pyetur më parë nga prokuroria kish deklaruar se Genci Balla e rekrutoi për në Siri dhe në sallë e mohoi duke u shprehur se ka thënë kështu pasi e ka detyruar policia por realisht ai nuk njeh asnjë nga të akuzuarit. I pyetur se përse ka udhëtuar 7 herë drejt Turqisë, Gashi tha se shkonte atje për punët e tij.

Redaksia online
(S.M/shqiptarja.com)

  • Sondazhi i ditës:

    A e zgjidh problemin me shqiptarët në Britani vizita e Ramës në Londër?

Lajme të tjera



×

Lajmi i fundit

'Ti Shqipëri më jep nder', prezantohen fanellat e reja të Kombëtares

'Ti Shqipëri më jep nder', prezantohen fanellat e reja të Kombëtares

24 Mars, 10:16