Gjykata shpall fajtore për shpifje ish-ministren teknike të PD Mirela Karabina

Gjykata e Shkallës së Parë Tiranë ka dënuar për shpifje ish-ministren teknike të Arsimit, e zgjedhur nga PD në periudhën e zgjedhjeve të 2017, Mirela Karabina, për dëmin moral ndaj ish-Sekretarit të Përgjithshëm të Ministrisë së Arsimit, Plarent Ndreca.

Gjykata ka detyruar ish-ministren të dëmshpërblejë në vlerën e katër milionë lekëve (të vjetra) ish-Sekretarin e Përgjithshëm Ndreca, për dëmin moral, të ardhur për shkak të shpifjeve publike që ish-ministrja kishte adresuar në dëm të këtij të fundit.

Plarent Ndreca dhe Mirela Karabina në qershor të 2017 u përfshinë në një seri akuzash dhe padishë lidhur me emërimet dhe shkarkimet në Ministrinë e Arsimit në qeverisjen teknike.

Pas më shumë se një viti, Gjykata ka vlerësuar se të gjitha deklarimet publike të bëra nga ish ministrja në adresë të ish Sekretarit të Përgjithshëm të kësaj ministrie janë të pavërteta dhe përbëjnë shpifje.

Ёshtë rasti i parë kur një funksionar i lartë civil, jo vetëm i reziston presionit të funksionarit politik në ushtrimin e detyrës, por kërkon gjyqësisht edhe dëmshpërblim moral ndaj një funksionari të lartë politik dhe e fiton atë.

TAG:
• Plarent Ndreca
• mirela karabina