Gjykata Supreme vendos kundër mbajtjes së referendumit të Skocisë për pavarësi: Jo pa lejen e qeverisë britanike

Parlamenti skocez nuk mund të mbajë një referendum të dytë për pavarësinë pa miratimin e Westminsterit, siç ka vendosur gjykata supreme, në një vendim unanim që ka të ngjarë të zemërojë nacionalistët skocezë, të cilët thonë se e ardhmja e vendit varet nga votuesit skocezë, raportojnë mediat e huaja.

Pas vendimit, Ministrja e parë, Nicola Sturgeon, tha: "Demokracia skoceze nuk do të mohohet. Vendimi i sotëm bllokon një rrugë për të dëgjuar zërin e Skocisë për pavarësinë, por në një demokraci zëri ynë nuk mund dhe nuk do të heshtë”.

Duke dhënë vendimin kategorik të mërkurën në mëngjes, presidenti i Gjykatës së Lartë të Mbretërisë së Bashkuar, Lordi Reed, tha se parlamenti skocez nuk kishte fuqinë për të nxjerrë ligje për një referendum mbi pavarësinë, sepse një projekt-ligj i tillë do të lidhej me të ardhmen e bashkimit të Britanisë, çështje e rezervuar për Westminster.

LEXO EDHE:
Mesazhi i Mbretit Charles për Krishtlindje: Falenderoj punonjësit e shëndetësisë që i qëndruan pranë familjes tonë! Thirrje për unitet

Vendimi erdhi pas një seancë të paprecedentë në gjykatën më të lartë të Mbretërisë së Bashkuar ku qeveria skoceze synonte të largohej nga Mbretëria e Bashkuar.

Aktivistët që kërkojnë pavarësimin besojnë se referendumi do të kishte rezultate të tjera nëse mbahet sërish tani, dy vjet pas largimit të Britanisë nga Bashkimi Evropian, gjë që skocezët e kishin kundërshtuar.

Në vitin 2014, skocezët nuk pranuan t’i jepnin fund bashkimit më shumë se 300-vjeçar me Anglinë, duke votuar 55% kundër pavarësimit nga Mbretëria e Bashkuar në referendumin e mbajtur në atë kohë. Gjykata Supreme konstatoi se nuk është në fuqinë e Parlamentit skocez “të bëjë legjislacion për një referendum për pavarësinë skoceze”.

Qeveria konservatore e Mbretërisë së Bashkuar në Londër ka refuzuar ta pranojë një votim të tillë, duke thënë se përgjigjja e kësaj pyetjeje ishte dhënë në një referendum të vitit 2014. Anketat sugjerojnë se skocezët mbeten të ndarë në gjysmë lidhur me këtë çështje.

Sturgeon mohoi se ishte një goditje për kauzën e pavarësisë skoceze, duke shtuar se çështja mund të ishte e lidhur për vite me radhë nëse parlamenti skocez do të kishte shkuar në rrugën e legjislacionit për një votim.

TAG:
• Skoci
• Britani e Madhe
• Westminster

Sondazhi i ditës:

Si ka qene per ju viti 2024?

• I mire

  43.9%

• I keq

  22.8%

• As i mire as i keq

  33.3%

Vota total: 1514

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq