POP 5

Lajmet më të lexuara të 5 minutave të fundit

Kronikë

Gjyqtarë dhe prokurorë nga SHBA takim në Gjykatën Kushtetuese, kryetarja Zaçaj vlerëson partneritetin për reformën në drejtësi

Gjykatën Kushtetuese e vizituan ditën e sotme prokurorë dhe gjyqtarë nga Utah e SHBA.

Gjyqtarë dhe prokurorë nga SHBA takim në Gjykatën Kushtetuese, kryetarja Zaçaj vlerëson partneritetin për reformën në drejtësi

Gjyqtarë dhe Prokurorë nga SHBA në Gjykatën Kushtetuese

TIRANË - Trupa e gjyqtarëve të Gjykatës Kushtetuese, e kryesuar nga Kryetarja Holta Zaçaj, ka zhvilluar një takim me disa gjyqtarë dhe prokurorë nga shteti i Utah në SHBA.  

Në takim ishin Trina Higgins, Prokurore e SHBA-së për Distriktin e Utah; Kryegjyqtarin Robert Shelby, nga Gjykata e Qarkut të Utah; dhe gjyqtaren Paige Petersen e Gjykatës së Lartë të Utah, të cilët po zhvillojnë një vizitë pune 5 ditore në Shqipëri.

Delegacioni shoqërohej në këtë takim edhe nga David Wisner, i Ngarkuari me Punë i Ambasadës së Shteteve të Bashkuara të Amerikës në Shqipëri, Mary Kate Butterfield dhe David Backman, këshilltarë ligjorë, rezidentë në Ambasadë.

Gjatë takimit u shkëmbyen mendime dhe përvoja lidhur me sistemet gjyqësore përkatëse, duke u fokusuar në sfidat me të cilat përballen gjyqtarët gjatë punës së tyre, për ta ushtruar këtë funksion me profesionalizëm dhe integritet të lartë, në mbrojtje të pavarësisë së pushtetit gjyqësor, demokracisë dhe sundimit të ligjit.

Kryetarja Zaçaj nga ana e saj shprehu vlerësimin dhe mirënjohjen për partneritetin e vendosur me SHBA, si dhe vullnetin për konsolidimin e mëtejshëm të këtij partneriteti në të ardhmen, duke u fokusuar në mbështetjen e dhënë për zhvillimin dhe progresin e reformës gjithpërfshirëse të sistemit të drejtësisë në Shqipëri.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57