Gliko karrote me portokall

Përbërësit:

  • 1 kg karrota
  • 1 kg sheqer
  • 4 gota ujë
  • Lëngu i 1 portokalli
  • Lëkura e 1 portokalli e grirë
  • 1 shkop kanelle
  • 4–5 kokrra karafil
  • Lëngu i ½ limoni ose 1 lugë limontoz
  • Ujë me gëlqere (për forcim)

Përgatitja:

Vendosim karrotat e prera hollë shumë hollë në formë rulonash në ujë me gëlqere për një natë. Kjo i bën më të forta dhe krokante. Të nesërmen, i shpëlajmë shumë mirë disa herë derisa të pastrohen plotësisht. I përziejmë me sheqerin dhe i lëmë disa orë derisa të lëshojnë lëng. Shtojmë ujin, lëngun dhe lëkurën e portokallit, kanellën dhe karafilin. I vendosim në zjarr. Kur të fillojë të vlojë, ulim zjarrin dhe e lemë për rreth 40–45 minuta derisa karrotat të bëhen transparente dhe shurupi të trashet. Heqim shkumën sipër, shtojmë lëngun e limonit dhe e lemë në zierje edhe 5 minuta. E hedhim glikonë të nxehtë në kavanoza sterilë.