VIDEO/ Goditet grupi kriminal i pastrimit të parave, 33 të arrestuar në Itali dhe Spanjë, mes tyre 10 shqiptarë! Sekuestrohen 18.5 milionë euro pasuri

Dhjetë shqiptarë dhe pesë italianë u arrestuan në Itali në kuadër të një operacioni të përbashkët me Europolin që u shtri edhe në Spanjë kundër pastrimit të parave dhe trafikut ndërkombëtar të drogës. Totali i të arrestuarve në dy vendet është 33 persona, ndërkohë mediat italiane kanë zbardhur emrat e 10 shqiptarëve.

Mes të arrestuarve ka edhe kolumbianë, marokenë dhe sirianë të cilit ishin pjesë e atij që Europoli e quan rrjet kriminal që kryente fshehjen e origjinës së të ardhurave të krijuara nga trafiku i drogës. Gjatë hetimit pasuror, specialistë të Guardia di Finanza italiane zbuluan një rrjet kompanish elektronike të vendosura në mbarë globin dhe sekuestruan 18.5 milionë euro asete. Struktura e ndërlikuar përdorte kompani në vende të tilla si Kina, Turqia dhe Shtetet e Bashkuara të Amerikës, të cilat ndërtuan një rrjet që maskonte natyrën, burimin, vendndodhjen, pronësinë, kontrollin, origjinën destinacionin e fondeve të përfituara në mënyrë të paligjshme duke shmangur zbulimin e tyre. Më konkretisht, prodhuesit e drogës do t'u jepnin lëndë narkotike blerësve në Itali në formë kredie.

Fitimet e krijuara nga shitja në Evropë merreshin nga ndërmjetësit dhe futeshin në kompani ku përdoreshin për porositjen e mallrave të tilla si telefonat celularë nga Kina. Këto mallra u dërguan më pas në Shtetet e Bashkuara dhe u transportuan më tej në Kolumbi, ku shiteshin në treg dhe fondet e përfituara u dorëzoheshin karteleve që merrnin kështu pagesën e tyre të fshehtë për drogën që u kishin dhënë shitësve që vepronin në Europë. Vetëm në Itali, janë gjurmuar 18.5 milionë euro para të pastruara për grupet e krimit të organizuar. Sipas mediave italiane, në krye të organizatës atje dyshohet se qëndronte Marsel Hajri, nga Shijaku, I njohur edhe me emrin Erjon.

Baza e organizatës kriminale përbëhej nga një fermë, e vendosur në Matera, në emër të një shtetasi tjetër shqiptar, Ermal Gjuzi, i konsideruar si një nga bashkëpunëtorët më të afërt të Marsel Hajrit. Anëtarët e këtij rrjeti përdornin platformën “SKY EÇ” ku shkëmbenin biseda të koduara të cilat janë zbardhur nga hetuesit duke dokumentuar episode të trafikimit të qindra kilogramë droge. Deshifrimi I mesazheve identifikoi edhe adresa të cilat u kontrolluan dhe sollën sekuestrimin e 20,6 kg. heroinë, 5.7 kg marijuanë dhe 105 gramë kokainë. 

TË ARRESTUAR NË ITALI

  • Marsel (Erjon) Hajri
  • Ervis Balla
  • Anxhela Balla
  • Denis Shellegaj
  • Ermal Gjuzi
  • Myrteza Balliu
  • Klajdi Musaku
  • Vincenzo Fiore
  • Sergio Pinto
  • Costantino Scippa
  • Juljan Karafilaj
  • Vito Shirt
  • Ardit Prifti
  • Ervin Plaku

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD