Sekuestrimet e drogës, armëve dhe parave nga policia në Itali
Telefonat e koduar (enkriptuar) të platformës SKY ECC kanë tradhtuar organizatën e klanit Çela, me celulën e grupit që vepronte në linjën e trafikut Elbasan-Breshia.
Hetimet kishin nisur prej vitit 2020, por goditja finale që “shtjelloi lëmshin” ishte ajo e vitit 2021, kur një nga anëtarët e organizatës u kap duke trafikuar 350 kg drogë për llogari të kapove, një pjesë e të cilës me destinacion zonën e Breshias dhe madje shpërndarjen në burgun e këtij qyteti, ku ndodheshin edhe shumë prej të arrestuarve drejtues të celulës. Aty u zbërthyen mesazhet e para mes anëtarëve të organizatës dhe drejtuesve, sasitë, udhëtimet dhe fitimet marramendëse.
Madje edhe udhëtimet e shumta për ‘biznes’ të kapove të grupit, mes Dubait në Emiratet e Bashkuara Arabe, Kolumbisë dhe Ekuadorit në Amerikën e Jugut. Në total deri tani janë 40 persona të dyshuar apo arrestuar, italianë dhe shqiptarë, në rreth 5 vitet e fundit si pjesë e grupit nga hetimet dhe aksionet e kryera.
Vetëm sot u ekzekutuan 12 nga masat mes Italisë dhe Shqipërisë, 8 të tjera janë ende në pritje të procesit. Rrjeti shtrihej mes Breshias, Milanos, Novarës dhe Veronës dhe rajoneve të tjera si Torino, Bolzanos, Kremona, Pavia, Trentos dhe Treviso. Lënda e parë merrej në Amerikën e Jugut, teksa bisedat e përgjuara të kapura në platformën e koduar çuan deri tek provat dhe emrat e të dyshuarve.
“Në krye të celulës së Breshias do të ishin dy vëllezër shqiptarë, që i përkisnin një prej bandave kryesore dhe më të rrezikshme të mafies shqiptare, të ashtuquajturit “Klani i Çelës së Elbasanit”, i cili dyshohet se u jepte udhëzime një grupi burrash të besuar, me banim në provincën e Breshias dhe në krahina të tjera të Italisë Veriore, duke ushtruar një aktivitet të gjerë importi dhe shitjeje të lëndëve narkotike, kryesisht kokainë”, shkruan media italiane.
Trafiku i drogës dhe madje shumave të parave kontrabandë kryhej nëpërmjet linjave të autobusëve Breshia-Elbasan dhe anasjelltas, nëpërmjet një sistemi të testuar dhe të suksesshëm për organizatën.
Aksioni më 2021 që zbërtheu grupin kriminal nga SKY ECC
Ishte nëntori i vitit 2021, kur ndodhi arrestimi i një prej të dyshuarve për posedimin e 350 kg kokainë, e cila do të dërgohej direkt në qelinë e trafikantëve në Breshia. Nga hetimet rezultoi gjithashtu se anëtarët e shoqatës kriminale do të kishin përdorur telefona “të enkriptuar”, analiza e të cilave zbuloi përfshirjen e tyre brenda grupit kriminal shqiptar, dedikuar veçanërisht trafikut ndërkombëtar të qindra kilogramëve kokainë. Veprimtaritë hetimore do të kishin vërtetuar sesi drejtuesit e organizatës, për të bërë marrëveshje me furnitorët, do të kishin udhëtuar sistematikisht në Kolumbi, Ekuador dhe Emiratet e Bashkuara Arabe, në Dubai, ku jetojnë disa nga trafikantët më të rëndësishëm shqiptarë.
Hetimet dhe operacioni u kryen me kontributin e Drejtorisë Qendrore të Policisë Kriminale - Shërbimi për Bashkëpunim Policor Ndërkombëtar, Zyrës së Ekspertit të Sigurisë në Tiranë dhe Drejtorisë Qendrore të Shërbimeve Kundër Drogës, Interpol Lioni, Eksperti i Sigurisë në Madrid dhe Policia e Spanjës.
Lajmi kryesor:
Trafik kokaine nga Amerika e Jugut në Europë, goditet klani Çela! Paratë e drogës me autobusë nga Breshia në Elbasan! 5 arrestohen në Shqipëri, 1 në Spanjë, 1 në kërkim (EMRAT)
Lajme të tjera
-
Skënder Minxhozi: 14 vjetori i 21 janarit dhe 5 vjetori i SPAK
21 Janar, 20:30
-
Itali/ Aksidenti ku vdiq 13-vjeçarja shqiptare, makina lëvizte me 150 km/h! Shoferi ‘kyç’ gojën, hetohet për vrasje
21 Janar, 19:56 -
Ervis Iljazaj: Në vend të protestave përpara qeverisë, protesta përpara SPAK-ut
21 Janar, 17:58
-
Doçi në Report Tv: Sali Berisha arkitekt i masakrës së 21 janarit, dha urdhër që të vriteshin protestuesit! Prendi e ka shitur në SPAK
21 Janar, 17:51 -
Itali/ Grupet shqiptare me taktikë të re, makina me qira për të trafikuar kokainën, 2 të arrestuar brenda natës!
21 Janar, 17:29 -
Operacioni ICARO, SPAK jep detajet zyrtare: 40 persona nën hetim, telefonat e enkriptuar zbuluan organizatën e narkotrafikut
21 Janar, 16:51 -
Masakra e 1997 në Kuçovë ku u vranë 4 policë, SPAK kërkon burg përjetë për Fran Marashin
21 Janar, 16:24
-
Shkarkoi drejtorin e Ujësjellës-Kanalizimeve, ish-kryebashkiaku i Shkodrës, Bardh Spahia merret i pandehur nga SPAK! Ja për çfarë akuzohet (VIDEO)
21 Janar, 15:55
-
Zef Brozi: Pandëshkueshmëria për aktin terrorist të 21 janarit vazhdon, zvarritja e hetimeve mbron krimet e Sali Berishës
21 Janar, 15:31 -
Dosja 'Metamorfoza'/ Në GJKKO gjyqi ndaj Pëllumb Gjokës, Oltion Bistrit e të tjerë, Behar Bajri kërkon largimin e gazetarëve: Më kanë paragjykuar
21 Janar, 15:06 -
Shqipëria merr pjesë në 'Fitur 2025', Kumbaro takime me ministra dhe përfaqësues të Organizatës Botërore të Turizmit
21 Janar, 13:20 -
Trafik kokaine nga Amerika e Jugut në Europë, goditet klani Çela! Paratë e drogës me autobusë nga Breshia në Elbasan! 5 arrestohen në Shqipëri, 1 në Spanjë, 1 në kërkim (EMRAT)
21 Janar, 13:13
