ITALI - Interi u ndal në barazimin 1-1 nga Atalanta në ndeshjen e raundit të 29-të të Serie A, në një duel të luftuar deri në minutat e fundit.

Zikaltërit e nisën më mirë takimin dhe arritën të kalonin në avantazh në minutën e 26-të. Talenti Francesco Pio Esposito përfitoi nga një pasim i bukur brenda zonës dhe realizoi me një goditje të saktë, duke i dhënë epërsinë 1-0 zikaltërve.

Pas golit, Interi kontrolloi lojën dhe arriti të neutralizojë përpjekjet e Atalantës, e cila nuk krijoi shumë raste të rrezikshme në pjesën e parë. 45 minutat e para u mbyllën me avantazhin minimal të vendasve.

Në pjesën e dytë, miqtë rritën presionin dhe këmbëngulja e tyre u shpërblye në minutën e 83-të. Pas një aksioni brenda zonës, topi përfundoi te Nikola Krstovic, i cili reagoi shpejt dhe e dërgoi topin në rrjetë për të barazuar shifrat në 1-1.

Pas golit pati edhe një moment tensioni, pasi gjyqtari Gianluca Manganiello urdhëroi kontrollin e aksionit nga sistemi VAR (Video Assistant Referee) për një faull të mundshëm, por goli u konfirmua.

Në minutën e 85-të arbitri ndëshkoi me dy kartona të verdhë dhe për rrjedhojë i dha karton të kuq trajnerit të Interit, Cristian Chivu. Për Atalantën në fushë luajti 90 minuta Berat Gjimshiti i cili zhvilloi një paraqitje për t’u mbajtur mend.

Pas këtij barazimi Interi vazhdon të kryesojë renditjen e Serie A me 68 pikë, tetë më shumë se Milani që mban vendin e dytë me 60 pikë. Megjithatë, Milani ende nuk e ka zhvilluar ndeshjen e kësaj jave dhe do të përballet me Lazion, ku mund të ngushtojë diferencën në tabelën e klasifikimit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Prill, 09:22

    A besoni se do të zgjidhen çështjet e mbartura Shqipëri-Greqi?

Lajme të tjera