LONDËR - Premier League e futbollit në Angli mbylli mbrëmjen e të hënës raundin e parë të sezonit të ri 2026-27. Në 'Craven Cottage' të Londrës, Chelsea fitoi 2-3 në fushën e Fulham, duke bërë që trajneri i ri i 'Bluve', Xabi Alonso të debutonte me tri pikë në stolin e Chelseas.

Vetëm 33 sekonda iu deshën Joao Pedros për të kaluar Chelsean në epërsi. Një pasim final i Cole Palmer bëri që braziliani të shënonte me elegancë duke e lënë topin mbi kokën e gardianit Leno. Minuta e 23-të solli ekuilibrin 1-1, teksa Fulham barazoi me Joshua King pas një goditje të fortë nga brenda zonës dhe vendosjes jo të mirë të Sanchez mes shtyllave.

Në fundin e pjesës së parë Chelsea u rikthye në epërsi me golin e Morgan Rogers. Fillimi i fraksionit të dytë bëri që 'Blutë' e Xabit të 'vulosnin' tri pikët me golin e Cole Palmer. Joao Pedro asistoi për shokun e skuadrës, me Palmer që u tregua shumë i ftohtë dhe me një goditje diagonale ia la sferën mes këmbëve portierit Leno.

Në minutën e 54-t Gonzalo Garcia shkurtoi shifrat për 2-3, por Fulham nuk mundi të dalë me pikë nga fusha e tyre. Në fund fitorja i buzëqeshi Chelseat që e nis mbarë sezonin e ri.

S.Dh/Shqiptarja.com
Sa e vlerësoni këtë artikull?
★ ★ ★ ★ ★
5.0 / 5 (1 vlerësim)
LAJMET MË TË VLERËSUARA

Komente

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës: 24 Gusht, 21:21

    Si ju duket plani i qeverisjes i paraqitur në Pogradec nga Rama?

Lajme të tjera