MILANO - Elita e futbollit italian, Serie A, zhvilloi mbrëmjen e të mërkurës ndeshjen e prapambetur mes Milanit dhe Comos, e cila u mbyll në barazim 1-1.

Dueli pritej me ritëm dhe garë të fortë sportive, duke mos zhgënjyer tifozët. Që në minutat e para të ndeshjes të dyja skuadrat ngacmuan portat respektive, por për golin e parë duhej pritur minuta e 32-të, kur gardiani i Milanit dhe njëherazi kapiteni i kuqezinjve, Maignan, do gabonte në pasim, ndërsa Nico Paz ia doli 'të rrëmbente' topin dhe nga jashtë zone nuk e pati të vështirë të zhbllokonte shifrat për festën e miqve nga Como.

Në fraksionin e dytë trajneri Max Allegri 'shkundi' të tijtë dhe minuta e 64-t solli golin e barazimit. Pasimi fenomenal i Ardon Jasharit bëri që Rafael Leao me një parabol të 'thyente' portierin Butez dhe të barazonte shifrat në 1-1. Në fund dy skuadrat u ndanë në paqe, por trajneri i Milanit, Max Allegri, shkoi më herët në dhomat e zhveshjes pasi u ndëshkua me karton të kuq në minutën e 80-të.

Pas 25 ndeshjeve të luajtura në Serie A është Interi me 61 pikë që prin renditjen, ndjekur nga Milani me 54 pikë, Napoli me 50 pikë, Roma me 47 pikë dhe Juventusi me 46 të tilla. Ndërkohë Como dhe Atalanta me 42 pikë ndajnë vendet gjashtë dhe shtatë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 31 Mars, 11:25

    A besoni se Drejtori i ri Policisë, Hita do luftojë krimin dhe korrupsionin?

Lajme të tjera