Eliminimi nga Champions League dhe nga Kupa e Italisë ka bërë që Juventusi të fokusohet vetëm në kampionat. Për javën e 27-të në Serie A, ‘Zonja e Vjetër’ mposhti 2-0 Veronën në ndeshjen e zhvilluar të hënën në mbrëmje në Torino.

Sfida për bardhezinjtë nuk ishte e lehtë, paçka se dominuan me raste. Në ekstremin e pjesës së parë miqtë shënuan me Suslov, por gjithçka u anulua për pozicion jashtë loje.

Në fraksionin e dytë bardhezinjtë prodhuan mjaft raste, por topi ‘nuk donte të hynte’ në rrjetën e miqve. Duhej një aksion i bukur në minutën e 72-të dhe pasimi final i Cambiasos, që Thuram të gjente rrjetën dhe të qetësonte Mottën në stol.

Vendasit nuk i ndalën sulmet dhe përfituan në fund nga një pakujdesi e Veronës, duke shënuar golin e dytë me Koopmeiners në minutën e fundit. Pesë fitore radhazi në Serie A për Juventusin që pas javës së 27-të e sheh veten në pozitën e katërt me 52 pikë, gjashtë më pak se Interi kryesues. Para tyre edhe Napoli e Atalanta.
S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • E DREJTA: 04/03/2025 08:59

    SKUADRA ME HAJDUTE NE BOTE(CIOE R U B E N T U S ) AS VENDIN E KATERT NUK KA PER TE ARRITUR NESE ARBITRAT NUK PERSERISIN GABIMIN E MBREMSHEM KUR I ANULLUAN EUROGOLIN VERONES...DO TE FILLOI PRAP CIKLIN E BARAZIMEVE

    Përgjigju
  • Sondazhi i ditës: 23 Prill, 08:20

    Si i vlerësoni tonet e përdorura deri më tani në fushatën e 11 majit?

Lajme të tjera