ITALI - Monza dhe Inter barazuan 2-2 në miqësoren e zhvilluar në stadiumin 'Brianteo'. Pas 90 minutave ishte Interi që fitoi 3-5 nga penalltia. Në këtë sfidë protagonist ishte edhe Kristjan Asllani.

Ndeshja nisi mirë për vendasit që kaluan në epërsi me golin e Ciurria pas 32 minutave lojë. Fundi i pjesës së parë solli ekuilibirin, pasi mbrojtësi i Monzës, Birindelli shënoi në portë e tij.

Në pjesën e dytë, konkretisht në minutën e 52-të, Kristjan Asllani hapi një top të bukur vertikal nga 25 metra largësi. Luis Enrique e kontrolloi bukur, pasoi për Darmian dhe ky i fundit lëshoi një gjuajtje drejt portës që u devijua lehtë në portë nga Esposito. Kështu Interi gjeti epërsinë për 1-2.

Zikaltërit patën dy mundësi të mira me Bonny dhe Martinez, por pa konkretizuar. Në minutën e 89-të ishte Sardo që dhuroi një pasim fenomenal për Azzi, me këtë të fundit që mposhti Martinez në portë dhe barazoi për 2-2.

Nga pika e bardhë e penalltive Inter fitoi 3-5. Kristjan Asllani luajti 84 minuta si titullar në këtë duel, duke qenë protagonist me një pasim fantastik. Për të në stadium ishte drejtori i Bolognas, klub që njësoj si Fiorentina dhe Torino e duan në ekip këtë merkato vere.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Dhjetor, 19:08

    SPAK kërkon arrestimin e Ballukut, a duhet të japë autorizim Kuvendi?

Lajme të tjera