SHBA - Lionel Messi i dha sërish tri pikë Inter Miamit. Për raundin e 18-të në MLS, skuadra e udhëhequr nga "Pleshti" fitoi 1-2 në udhëtim kundër New England Revolution. Deçiziv Messi me dy gola, ndërsa në harkun e pak javëve ai ka shënuar katër dopieta radhazi në kampionat, paçka moshës 38-vjeçare.

Përballja në fushë nisi mirë për Inter Miamin, me Lionel Messin që përfitoi nga një mosmarrëveshje e prapavijës vendase në minutën e 27-të dhe me të majtën e dërgoi në rrjetë topin e mbetur në zonë.

Vetëm dhjetë minuta më vonë, Sergio Busquets na kujtoi kohët e arta te Barcelona dhe me një vertikalizim nga mesi i fushës nxori Messin vetëm me portierin, ndërkohë që argjentinasi shënoi një gol klasik për të "vulosur" tri pikët.

Në fund Gil shkurtoi për vendasit, por Inter Miami siguroi fitoren e katërt radhazi dhe me 35 pikë mban vendin e pestë në renditje, duke pasur edhe tre ndeshje më pak se rivalët, që janë vetëm shtatë pikë më sipër.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera