Atlanta, SHBA - Inter Miami ka marrë një fitore me shumë peshë në fazën e grupeve (Grupi A) të Kupës së Botës për Klube, duke përmbysur Porton me rezultatin 2-1, falë një supergoli të Lionel Messit në pjesën e dytë.

Skuadra portugeze kaloi e para në epërsi në minutën e 18-të, kur Samu realizoi nga pika e bardhë me një goditje të fuqishme, duke i dhënë avantazhin portugezëve.

Reagimi i Inter Miamit ishte i menjëhershëm pas pushimit mes pjesëve. Një aksion i bukur i ndërtuar nga Marcelo Allende, i cili pasoi te Marcelo Weigandt, përfundoi me asistin e këtij të fundit për Telasco Segovia, i cili barazoi rezultatin me një goditje të saktë për 1-1.

Më pas në skenë doli Lionel Messi. Ylli argjentinas përfitoi nga goditja e dënimit në hyrje të zonës dhe me 'një predhë' e la sferën në trekëndësh duke vulosur fitoren e amerikanëve.

Me këtë rezultat, Inter Miami ngjitet në kuotën e 4 pikëve pas dy ndeshjesh, aq sa ka edhe Palmeiras kryesuese. Porto dhe Al Ahly mbeten me vetëm 1 pikë. Fati i grupit do të vendoset në sfidën e fundit, ku lufta për biletat e kualifikimit në fazën tjetër pritet të jetë dramatike.

Rendit zhvillimet sipas orarit:
Ora 11:11
VIDEO/ 'Magjia' e Lionel Messit e kapur nga kamera trupore e gjyqtarit

Lionel Messi tregon se vitet mbi shpinë janë thjesht një numër. Ylli i Inter Miami ishte deçiziv për ekipin e tij në fitoren 2-1 me përmbysje kundër Portos, në Kupën e Botës për Klube. Me portugezët në avantazh, Inter Miami përmbysi me Segovia dhe 'perlën' e Lionel Messit nga goditja e dënimit.

"Pleshti" goditi bukur me të majtën dhe dhuroi spektakël në vitrinën botërore të futbollit. Pamjet e kapura nga kamera trupore e gjyqtarit Cristián Garay janë unike.

 

S.Dh/Shqiptarja.com

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Korrik, 07:53

    Akademi për trajnimin e administratës lokale, si e vlerësoni?

Lajme të tjera