Serie A e futbollit në Itali nisi të premte me raundin e tetë. Në 'San Siro' vendasit e Milanit barazuan 2-2 kundër debutuesve të Pisas. Vetëm në shtesën e ndeshjes Milani ia doli të barazonte, pasi më herët Pisa kishte përmbysur rezultatin. Edhe pse Allegri i kishte paralajmëruar të tijtë para sfidës, ashtu si kundër Cremoneses (1-2), Milani bën një hap fals po në shtëpi kundër një ekipi debutues.

Fillimi i ndeshjes foli për vendasit, madje Milani e gjeti golin e epërsisë shumë herët me Rafael Leaon. Portugezi përfitoi nga një pasim i Riccit dhe mposhti portierin Semper. Pjesa e parë u mbyll me këto shifra, ndërsa në fraksionin e dytë miqtë do bënin surprizën.

Duhej veterani Juan Cuadrado që në minutën e 60-të të vendoste ekuilibrat nga pika e bardhë e 11 metërshit. Katër minuta nga fundi, Pisa shokoi dhe heshti 'San Siron' duke përmbysur ndeshjen me Nzola.

Në shtesë Milani reagoi dhe pasimi i Modric u kthye në gol nga i riu Athekame. Kështu, Milani me 17 pikë mbetet sërish në krye të Serie A, ndërsa Pisa me katër pikë është larguar nga vendi i fundit dhe për momentin ndodhet në pozitën e 18-të.

Ndërkohë Interi, Napoli dhe Roma me 15 pikë ndajnë vendin e dytë dhe sot në 18:00 Interi luan në Napoli kundër kampionëve në fuqi. Shanset matematike janë që Interi apo Napoli t'i 'rrëmbejnë' kreun Milanit. Nesër, Roma luan kundër Sassuolos dhe ka shanse për kreun e Serie A.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Muci Xhepa: 25/10/2025 09:22

    Turp per nje ekip si Milani qe te kete drejtor Igli Taren, e pashe ndeshjen dje dhe mund te them pa frike qe Milani duhet te jete i gezuar nqs se do te zeje vendin e 10

    Përgjigju
  • Sondazhi i ditës: 12 Mars, 14:12

    PS rrëzon kërkesën e SPAK për arrestimin e Ballukut, si e vlerësoni?

Lajme të tjera