Napoli ka dalë fitues kundër Interit në ‘Maradona’, duke triumfuar me rezultatin 3-1 në ndeshjen e vlefshme për raundin e tetë të Serie A. Napolitanët zhvilluan një ndeshje të shkëlqyer, duke e dominuar që nga minutat e para.

Epërsia u vendos në minutën e 33-të, kur Kevin De Bruyne shënoi nga pika e bardhë, megjithëse penalltia u shoqërua me shumë polemika. Fatkeqësisht për belgun, ai pësoi një tërheqje muskulore gjatë gjuajtjes dhe u detyrua të lërë fushën e lojës.

Në pjesën e dytë, Napoli vazhdoi të kërkonte golin e sigurisë dhe e gjeti atë në minutën e 54-të, kur Scott McTominay realizoi me një goditje fantastike pas një kundërsulmi të shpejtë.

Interi reagoi menjëherë, duke ngushtuar rezultatin pesë minuta më vonë me Hakan Calhanoglun, i cili realizoi nga penalltia (59’). Megjithatë, fitoren për vendasit e vulosi Andre Anguissa, që shënoi golin e tretë pas një asistimi të bukur nga David Neres (67’).

Me këtë fitore, Napoli ngjitet në krye të tabelës së Serie A me 18 pikë, ndërsa Interi zbret në pozitën e katërt me 15 pikë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera