POP 5

Lajmet më të lexuara të 5 minutave të fundit

Sociale

Golem, shtylla në mes të rrugës së re, rrezik për aksidente

Në zonën turistike të Golemit është ndërtuar rruga e re, pa u zhvendosur shtylla e tensionit të lartë. Banorët e zonës por dhe pushuesit janë të rrezikuar pasi mund të përplasen me shtyllën që gjendet në mes të rrugës. Report Tv mëson se ky është një investim i Fondit Shqiptar të Zhvillimit dhe projekti e parashikon heqjen e saj, por qarkullimi është hapur për të shfryrë trafikun e sezonit pa marrë parasysh rrezikun

U ndërtua rruga rreth shtyllës apo shtylla në mes të rrugës?! Kjo është dilema që lind në aksin dytësor Plepa-Golem, nga ana e Shkëmbit të Kavajës, ku një shtyllë e tensionit të lartë gjendet në mes të rrugës.

Pavarësisht se janë vendosur disa tabela sinjalizuese, kjo nuk duket se nuk e shmang rrezikun për aksidente.

Drejtues e automjeteve ironizuan punimet duke u shprehur se kalojnë aty vetëm për të parë shtyllën si “atraksion”.

‘Na pëlqen shumë ekstrem dhe është arsye se pse kalojmë këtu para. (qesh)’- tha një qytetar.

‘Kjo duhet hequr pa diskutim.’- tha një tjetër.

‘Kjo shtyllë duhet të hiqet për hir të jetës së njeriut.’- u shpreh një qytetar.

Gjatë vëzhgimit të “Report Tv” në terren, hasin disa punonjës të OSHEE, por që nuk kanë dijeni për shtyllat e tensionit.

'Tani nuk e di se çfarë bëhet. S’kemi lidhje fare!’- tha punonjësi i OSHEE-së.

Rruga dytësore përgjatë autostradës Durrës-Kavajë me gjatësi 5 kilometra është asfaltuar një muaj më parë, pavarësisht se po punimet nuk kanë përfunduar, është hapur për të shfryrë trafikun e sezonit. Burimet thanë se projekti parashikon spostimin e shtyllës, proces që pritet të kryhet nga OSHEE muajt në vazhdim.

Ky segment rrugor është pjesë e projektit për rikualifikimin urban të zonës turistike të Golemit, investim i Fondit Shqiptar të Zhvillimit përmes kredisë nga Banka Botërore me vlerë 4.5 milionë USD.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Uuuuuuuuuuuuuuua: 16/07/2023 09:39

    Çfarë lajmi

    Përgjigju
  • Or tej: 16/07/2023 07:49

    Kete duhet ta vendosin Rama (pasi te perfunfoje turin fotografik me liderat boterore) tek postet e Shqiperise turistike bashke me gropat ne 2 km te rruges nacionale prane kryqezimit ne Arapaj - Shkembi i Kavajes. Hajde Rame e sistemoji se po kujtojne se ka ardhur Wagneri per pushime ne Durres or teeeejjjjj

    Përgjigju
  • Iris: 16/07/2023 02:14

    Paradoks shqiptar dhe humor ballkanik!

    Përgjigju
  • Arbëri: 15/07/2023 22:17

    Në asnjë vens të botes nuk mundet që të ndodhë Kjo shëmti e çmendur…!

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

26 Janar, 07:27