POP 5

Lajmet më të lexuara të 5 minutave të fundit

Sport

Goli i anuluar tërboi tifozët, 'shpërthen' edhe trajneri i Elbasanit: Ndaj Partizanit na u pa edhe një penallti

Trajneri i verdhebluve, Roberto Bordin, është i acaruar me arbitrin pasi sipas tij i anuloi padrejtësisht një gol dhe një penallti.

Supersfida e javës së 9 të Superligës mes Elbasanit dhe Partizanit u mbyll pa fitues dhe me shifrat 1-1. Të kuqtë realizuan të parët me Zekën, ndërsa vendasit barazuan me Ze Gomesh, por në minutat e fundit tifozët e Elbasanit u tërbuan pas një goli të anuluar, si rrjedhojë e një dyluftimi mes mbrojtësit dhe sulmuesit. Kaq mjaftoi që disa ultras të tentonin të hynin në fushë, por që gjithsesi nu kia dolën.

“Goli ishte i rregullt, e kam parë disa herë. Ishte një duel normal mes një sulmuesi dhe një mbrojtësi. Patëm edhe një penallti që nuk u pa në VAR. Megjithatë me skuadrën jam i kënaqur sidomos për reagimin pasi pësuam golin,”-u shpreh Roberto Bordin, trajner i Elbasanit.

“Një atmosferë fantastike në Elbasan për ndeshjen. E kisha dëgjuar më herët nga kombëtarja e Serbisë që tifozët ketu janë te zjarrtë, por sot e vërtetova. Elbasani në të njejtën kohë ka një ekip shumë kualitativ dhe jam i lumtur për pikën në transfertë edhe pse kemi patur më shume raste,”-tha Aleksandr Veselinovic, trajner i Partizanit.

Pika e fituar gjithsesi i mjaftoi Partizanit që të ruante kreun edhe pas javës së 9 të Superligës, me 1 pikë më shumë se Egnatia që të shtunën barazoi 0-0 me Teutën. Në sfidën tjetër të së dielës Skënderbeu la pas momentin e vështirë duke fituar 0-1 duelin e mbijetesës me Bylisin, që vijon i fundit me 5 pikë.

Më herët Tirana barazoi 0-0 kundër Dinamos, ndërsa Laçi mori një fitore shprese 3-1 me përmbysje kundër Vllaznisë. Këto sfida mbyllën edhe fazën e parë të Superligës, që përbëhet nga 4 të tilla dhe 36 javë kampionat në total.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    E kujt është përgjegjësia për kaosin në Kuvend?

Lajme të tjera



×

Lajmi i fundit

Arrestimi i Metës, Tedi Blushi: Akt terrorist, duan që të asgjësojnë opozitën

Arrestimi i Metës, Tedi Blushi: Akt terrorist, duan që të asgjësojnë opozitën

21 Tetor, 16:32