Gomisteria zanat për burra?! Njihuni me Xhoin, 21-vjeçaren nga Elbasani që ka zgjedhur këtë punë

Kush mendon se gratë nuk munden të kryejnë punë burrash, e ka gabim! Ky është përfundimi që na sjell rasti i Xhoit, një vajzë e re 21-vjeçare nga Elbasani. Xhoi ka zgjedhur të punojë në biznesin e babait të saj në Bradashesh në Elbasan. Me duart e nxira nga gomat dhe vajrat e makinave, Xhoi sjell një tjetër model ku mund të punojnë gratë shqiptare. Rastin e saj e ka prezantuar në Facebook gazetari Mentor Kikia, i cili thotë se sapo ka ndaluar pranë gomisterisë, nuk ka qenë një burrë që e ka ndihmuar, por menjëherë i është gjendur Xhoi.

Statusi i plotë:

Xhoi, gomistja 21-vjeçare që na jep të tërëve një mësim të mirë
Kur ndalova në gomisteri për të kontrolluar një gomë të shfryrë të makinës, mu afrua një vajzë e më tha: Çfarë problemi ka?
-Goma, më ka rënë!

LEXO EDHE:
Poeti arbëresh që ruajti traditat flet shqip në Përrenjas: Nuk mjafton një jetë për nostalgjitë e mëdha

Ajo nxitoi të kontrollojë presionin e të katër gomave. Pastaj çmontoi shpejt e shpejt gomën e rënë, e kontrolloi, dhe nxitoi ta montonte.
Unë kisha mbetur në këmbë e po ndiqja veprimet e saj. Mendova se ishte ndonjë truk, por vajza për pak minuta e mbaroi punën. Duart i kishte të nxira nga gomat, vajrat po lëndë të tjera në një servis makinash. Edhe në fytyrë kishte disa njolla të zeza pluhuri.
I kërkova leje për ti bërë disa foto. Dhe padyshim i thashë që do ti publikoja. Pranoi dhe qeshi.
“E kam biznesin tim, punoj këtu me babanë. Ia kam marrë dorën mirë”.
Kjo është Xhoi, 21 vjeç, nga Bradasheshi, në Elbasan. Ajo ka zgjedhur të bëjë gomisten. Një punë burrash kudo, por ajo e ka sfiduar dhe e bën shumë mirë.
Vendosa ta ndaj me ju rastin e Xhiot, për të dëshmuar modelin e një vajze të re që ka zgjedhur të punojë. Një punë e “pisët” dhe e rëndë. Por ajo e thotë me kënaqësi: Ky është biznesi im!
Vendosa ta ndaja këtë histori, edhe si një model për një rini në krizë, që mendon se këtu nuk jetohet më. Për një rini që referencë ka djemtë dhe vajzat e që kapardisen në rrjetet sociale me makina luksi, me paratë e baballarëve, shpesh të buruara nga krimi e korrupsioni.
Edhe pse një vajzë shoëbizi është padyshim më e famshme, unë po u kërkoj lexuesve të këtij shënimi ta shpërndajnë këtë postim si një shembull për tiu referuar. Të faleminderit Xhoi për mësimin që na jep të tërëve!

TAG:
• Elbasan
• mentor kikia
• grate shqiptare
• gomisteri

Sondazhi i ditës:

A ka politika frikë nga SPAK-u?

• Po

  68.6%

• Jo

  26.4%

• Nuk e di

  5%

Vota total: 3511

• Sondazhi i ditës:

  A ka politika frikë nga SPAK-u?

  Po Jo Nuk e di