POP 5

Lajmet më të lexuara të 5 minutave të fundit

Kronikë

VIDEO/ Vodhën 200 mijë euro nga marketi në Sarandë, pranga teknikut të kamerave të sigurisë dhe hajdutit ‘serial’

Punonjësi i një supermaketi në Sarandë, që vëzhgonte kamerat e sigurisë ka bashkëpunuar me grabitësin serial për të vjedhur 200 mijë euro. Policia ka zbuluar skemën dhe ka vënë në pranga 2 prej autorëve të vjedhjes së supermarketit.

Tekniku i kamerave të sigurisë në një supermarket në Sarandë ka bashkëpunuar me grabitësin serial për të vënë në zbatim planin e vjedhjes së supermarketit. Policia ka zbardhur ngjarjen dhe ka vënë në pranga Bektash Cukallën 37 vjeç, i punësuar si teknik i kamerave të sigurisë dhe Edmond Duzhën 40 vjeç, banues në Tale të Lezhës, i dënuar më parë në Itali për vjedhje dhe sulm ndaj forcave të policisë.

Nga hetimet rezulton se Cukalla ka parë përmes kamerave, shumën e lekëve në kasafortë dhe kodin e sigurisë. Duzha bashkë me një person ende të paidentifikuar kanë mbërritur një ditë para ngjarjes në Sarandë ku i ka pritur Cukalla, i cili u ka treguar rrugën nga do hynin në market.

Pas vjedhjes ata kanë shkuar tek shtëpia e një të afërmi ku kanë bërë ndarjen e parave. Ngjarja ka ndodhur dy javë më parë në një supermaket në lagjen nr4. të qytetit bregdetar, ku si pas dëshmisë së pronarit janë vjedhur 200 mijë euro. Ndërsa autorët u vunë në pranga mbrëmjen e së mërkurës (29 Dhjetor).

 Policia bën të ditur se është sekuestruar një pjesë e parave të vjedhura, përkatësisht 400.000 lekë, 2500 dollarë dhe 1000 paund. Po kështu janë sekuestruar 2 automjete, me të cilat janë larguar autorët pas ngjarjes, 4 telefona celular, 3 pajisje DVR dhe 2 lap-top.  Tashmë pas hekurave janë Edmond Dusha dhe Bektash Cukalla, ndërsa dyshohet se në vjedhje ka marrë pjesë dhe një person i tretë.

 

Pamje nga arrstimi

Rendit zhvillimet sipas orarit:
Ora 09:59
Bashkëpunoi me hajdutin 'serial' për vjedhjen e marketit ku punonte në Sarandë, ky është 37-vjeçari që u arrestua nga polica

1640854505_BEKATSHCUKALLA.jpeg

Report Tv ka siguruar foton e Bekdash Cukallës, një prej autorëve të cilët vodhën supermarketin në Sarandë. Cukalla ishte i punësuar si teknik i kamerave të sigurisë në këtë supermarket dhe nëpërmjet telefonit të tij ka kontrolluar shumën e parave që gjendeshin në ambientet e këtij subjekti. 37-vjeçari ka bashkëpunuar me autorin e Edmond Duzha, i dënuar më parë për vjedhje me dhunë, për të marrë lekët në marketin ku punonte.

M.Q./Shqiptarja.com

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Në: 30/12/2021 22:02

    Nuk ka lidhje Bushi me këtë punë. Gjithë Saranda e njeh për njeri të ndershëm e punëtor. Pale ku do dali muhabeti. Ç'është ky supermarket që paska 200 mije euro ne arkë?!!!

    Përgjigju
  • Grupi: 30/12/2021 12:23

    Bravo dhe shume mire qe i kapen. Ky tekniku i kamerave pervec denimit per vjedhje duhet te marre dhe denim per shperdorim detyre, minimalja 12 - 15 vite qe te zene mend. Pamjet e aksionit te policise skandaloze. Show aspak profesional, Vijne verdalle si qen te helmuar dhe pa arme te gatshme ne duar nese ky pisi do reagonte. Pastaj na shtohen deshmoret. Arestoni kedo qe shkel ligjin, shtrijini ne toke dhe prangosini, pa abuzuar, por kini dhe pak kujdes per veten, ndiqni protokollin mos beni show.

    Përgjigju
  • Loni: 30/12/2021 10:18

    O tope nuk menderoset aty ku hahet... Mosmirnjohesa!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Presidenti ukrainas Zelensky: Kemi çdo shans për t'i dhënë fund luftës vitin e ardhshëm

Presidenti ukrainas Zelensky: Kemi çdo shans për t'i dhënë fund luftës vitin e ardhshëm

24 Nëntor, 08:24