TIRANE-Prokuroria e Krimeve të Rënda ka dhënë pretencën ditën e sotme për autorët e grabitjes së blindave me 3 milionë. Tetë personat akuzohen për tre episode, grabitjen e një banke të nivelit të dytë te stacioni i Trenit dhe dy të tjerat në rrugën e Rinasit në vitin 2015.
Prokuroria ka kërkuar 24 vite burg për organizatorin Aleksandër Murataj, i cili është ende në kërkim, ndërsa në total për të gjithë anëtarët e bandës janë kërkuar 127 vite. Në tre grabitjet e realizuara kanë marrë pjesë persona të sprovuar disa herë për të tilla grabitje si Murataj, ish-komando të ushtrisë dhe ish-policë, të praktikuar më armët dhe stërvitur mirë për sulme të befasishme.
Gatë hetimeve të kryera dy prokurorëve të çështjes iu kanë ardhur në ndihmë dhe rrëfimet e të pandehurve Admir Çerpjas dhe ish-komandos Ditjon Memlika, të cilët tashmë mbajnë statusin e bashkëpunëtorit të drejtësisë, pasi kanë treguar me detaje të gjitha planet dhe mënyrën e organizmit para dhe pasi kryenin një grabitje.
Por ndihmesë në këtë hetim kanë qenë dhe pamjet filmike të fiksuara nga kamerat në vilën e Muratajt. Tashmë pritet vendimi i gjykatës pas pretencës së prokurorisë.
Pretenca e prokurorisë
Organizatori Aleksandër Murataj 24 vjet burg në mungesë
Dash Kupa 20 vjet burg
Ernest Kupa 19 vite e 8 muaj burg
Neim Avdyli 20 vjet burg
Ditjon Memlika 5 vjet e 8 muaj burg
Admir Çerpja 5 vjet e 8 muaj burg
Fatjob Xhyliu 16 vite burg (bashkëpunëtor i drejtësisë)
Dritan Sinani 16 vjet burg (bashkëpunëtor i drejtësisë)
