Grabitet banesa në Lushnjë, pronari bëri denoncim: Disa persona hynë në shtëpi, më kërcënuan me armë dhe morën paratë

Persona te maskuar dhe me armë kanë hyrë në shtëpinë e Alfred Gjermenit, duke marrë një shumë të konsiderueshme parash dhe disa bizhuteri. Ngjarja ka ndodhur në fshatin “Fier i Ri” të bashkisë së Lushnjes, pas mesnate.

37-vjeçari, Alfred Gjermeni, i cili nuk pranoi të flasë për mediat, u ka thënë uniformave blu se është përleshur me grabitësit në banesën e tij. Ndërsa policia tha se ka sekuestruar kamerat e sigurisë dhe po ushtron kontrolle për gjetjen e 5 personave që dyshohet se morën pjesë në grabitje.

 Ende nuk ka të dhëna për shumën e parave që arritën të marrin në banesë, ndërsa po vijon marrja në pyetje e familjarëve. Siç shihet dhe në pamje, 4 anëtarët e familjes Gjermeni jetojnë në katin e dytë të objektit, ndërsa në katin e parë kanë biznesin e tyre, farmaci bujqësore.

Grupi hetimor, në bashkëpunim me Prokurorinë, vijon punën për zbardhjen e rrethanave të ngjarjes dhe fiksimin e çdo prove materiale që do të çojë në identifikimin dhe kapjen e autorëve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    EURO 2024/ Fillojnë ndeshjet e fundit, a mendoni se Shqipëria kalon grupin?



×

Lajmi i fundit

Kombëtarja mbyll Europianin 2024/ Flasin protagonistët! Broja: Do kisha dashur të isha titullar me Spanjën! Gjimshiti: Na duhej pak fat

Kombëtarja mbyll Europianin 2024/ Flasin protagonistët! Broja: Do kisha dashur të isha titullar me Spanjën! Gjimshiti: Na duhej pak fat