Policia e Vlorës në 24 orët e fundit ka vënë në pranga 4 persona njëri prej të cilëve i shpallur në kërkim pasi gjykata i ka vendosur masën 'arrest me burg'. 35-vjeçari Y. M, banues në Tiranë, akuzohet se në bashkëpunim me persona të tjerë dhe nën kërcënimin e armës vodhën autobusin me njerëz të linjës 'Itali-Vlorë' në zonën e Skelës.
Y. M, akuzohet se është një nga tre personat të cilët nën kërcënimin e armëve vodhën afërsisht shumën e 20 mijë eurove pasagjerëve dhe shoferit të autobusit në Vlorë.
Ndërkohë një tjetër person i cili ka qenë me masën e sigurisë 'arrest shtëpie' është vënë në prangat e policisë pasi ishte larguar nga vendi i qëndrimit. 27-vjeçari me inicialet E.B banues në Vlorë akuzohet për 'vjedhje'.
![](https://shqiptarja.com/template/img/NO_ALFA_Kuadrate shqiptarja.png)
Sakaq dy persona të tjerë po banues në Vlorë janë arrestuar pasi akuzohen për 'prodhim dhe shitje të lëndëve narkotike'. Bëhet fjalë për një 18-vjeçar me inicialet M. T dhe një 33-vjeçar me inicialet A. T, të cilëve gjatë kontrollit të ushtruar në mjetet përkatëse pranë rrethrrotullimit të fshatit Peshkëpi u janë sekuestruar 3 kilogramë drogë e dyshuara kanabis sativa.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)