Kryetari i grupit të LSI, Petrit Vasili ka reaguar pas grabitjes në Fier. Ai thotë se Agur Vrenozi vendosi në rrezik jetën për të ndaluar kriminelët. “Qytetari i nderuar i Fierit Agur Vrenozi vuri jeten e tij ne rrezik shume te madh per te ndalur kriminelet,qe po grabisnin nje biznes.

Ky eshte nje shembull i shkelqyer i nje qytetari te thjeshte me zemer te madhe qe nuk kurseu asgje per te ndihmuar bashkeqytetaret e tij ne rrezik. Shqiperia ka nevoje sot si kurre me pare per kete qytetari dhe per keto vlera te larta solidariteti qe jane te vetmet qe mund te na mbajne te bashkur. Me gjithe zemer Agur te uroj sherim te shpejte” shkruan Vasili.

Gjatë përleshjes në momentin e grabitjes së pikës së këmbimit valutor, njëri nga autorët qëlloi me armë zjarri automatik duke plagosur dy persona, pronarin e pikës së këmbimit Gëzim Hoxha 64-vjeç dhe të afërmin e tij, Agur Venozi 53-vjeç (pronar i godinës, që kishte me qira Hoxha).

d.b/shqiptarja.com