POP 5

Lajmet më të lexuara të 5 minutave të fundit

Kronikë

Lushnje/ ‘Maskat’ të armatosur nxjerrin me forcë pronarin dhe i vjedhin Benzin! Makina e grabitur gjendet në Vlorë

Një grabitje me armë ka ndodhur mbrëmjen e djeshme në rreth orës 22:00 në Lushnjë në vendin e quajtur 'Pushimi i Shoferit'

LUSHNJË- Një grabitje me armë ka ndodhur mbrëmjen e djeshme në rreth orës 22:00 në Lushnjë në vendin e quajtur 'Pushimi i Shoferit'.

Report Tv mëson se dy persona armatosur dhe të maskuar kanë ndaluar një makinë tip ‘Benz’ me targa AA 390 PO e cila drejtohej nga Martino Peqini, dhe pasi e kanë detyruar që të zbresë dhe e kanë dhunuar, i kanë marrë makinën dhe janë larguar në drejtim të Fierit.

Drejtuesi i makinës është banor i fshatit Sopez të bashkisë Divjakë dhe ka njoftuar menjëherë policinë, e cila ka ngritur postoblloqe, por nuk ka arritur që të kapë autorët.

Zona ku ka ndodhur grabitja është mbuluar me pamje nga shumë kamera sigurie të bizneseve përreth e cila mund të ndihmojë policinë për idnetifikimin e autorëve të grabitjes.

Ndërkohë në një njoftim paraprak policia e qarkut Fier tha se nuk janë përdorur armë duke e cilësuar ngjarjen “vjedhje me dhunë”.

'Mbrëmjen e djeshme, kallëzon shtetasi M. P., banues në Divjakë, se në vendin e quajtur "Pushimi i shoferit", Lushnjë, persona të paidentifikuar, i kanë marrë me dhunë, automjetin tip "Benz", me të cilin po udhëtonte.Grupi hetimor po punon për zbardhjen e plotë të rrethanave të ngjarjes, identifikimin dhe kapjen e autorit/ëve.'- njofton policia.

Sakaq Report Tv mëson se 'Benzi' i vjedhur në Lushnjë është gjetur në Vlorë.

Rendit zhvillimet sipas orarit:
Ora 14:51
U grabit me armë në Lushnjë, makina e vjedhur gjendet në Vlorë

Makina tip ‘Benz’, në pronësi të Martino Peqinit, e cila ju grabit me armë nga dy persona mbrëmjen e kaluar në vendin e njohur si Pushimi i Shoferit në Lushnjë, është gjetur në Vlorë.

M.Q./Shqiptarja.com

M.Q./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • idris: 10/10/2022 12:08

    ervin ndreu shefi komisariatit e ka mendjen te vjedhi dhe se ka te puna e te kodasi krimin eshte bere pale me krimin, maskarai

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46