POP 5

Lajmet më të lexuara të 5 minutave të fundit

Sociale

Gramsh, fshati drejt braktisjes totale, banorët ‘lidhen’ në rrjetet sociale dhe mblidhen si dikur! Bëjnë edhe një premtim

Të larguar përgjatë 30 viteve, banorët e fshatit Gjerë në Porocan të Gramshit janë rikthyer në vendlindje si dikur për tu takuar të gjithë. Teksa muaji gusht shënon ardhjen e shumë shqiptarëve në atdhe, ishin ditat ideale për tu rikthyer në tokën e lindjes në kujtim të traditave dhe mallit për vendin.

Prej vitesh tashmë Shqipëria po vuan së tepërmi lëvizjen demografike të banorëve nga fshatrat drejt zonave urbane duke sjellë një shpopullim në masë të fshatrave. Kryesisht ky proces po ndodh në fshatrat malorë. Fshati Gjerë, i Njësisë Administrative Poroçan, Bashkia Gramsh prej dy ditësh tashmë po ''gëzon'' rikthimin e banorëve vendas, të cilët kanë organizuar një takim në vendin e lindjes.

Në këtë fshat tashmë jetojnë aktualisht vetëm disa dhjetëra banorë. Disa qindra, ish-banorë të këtij fshati, të cilët jetojnë të larguar brenda dhe jashtë kufijve të Shqipërisë, të ndihmuar nga rrjetet sociale kanë organizuar një takim duke përfituar edhe nga muaji gusht ku thuajse të gjithë emigrantët rikthehen në Shqipëri për pushime.

Organizatorët e këtij viti ishin anëtarët e një prej fiseve, fisi Kullolli, që morën përsipër organizimin e aktivitetit. Ky takim do rikthehet në traditë dhe sipas organizatorëve do të bëhet çdo vit. Të gjithë banorët e bënë këtë premtim.  

Në këtë aktivitet mori pjesë dhe Kryetari i Bashkisë Gramsh, Klodian Taçe, i cili bëri thirrje që jo vetëm fshati Gjerë por të gjitha fshatrat e tjerë të ndjekin të njëjtin shembull duke qenë se të larguarit e Gramshit arrijnë në mijëra banorë gjatë këtyre 30- viteve të fundit. Rikthimi i tyre në vendlindje do të thotë në radhë të parë dëshira për t’i trashëguar brezave dashurinë për vendlindjen dhe në radhë të dytë mbajmë gjallë traditat dhe zakonet te pasardhësit tanë të vegjël. Nëse do jemi të gjithë bashkë do kemi mundësi të bëjmë më shumë për njëri-tjetrin.

''Festa e Gjerës'' mbledh së bashku shumë banorë që jetojnë e punojnë jashtë, si dhe nga qytetet  përreth. Festa u hap me himnin e flamurit shqiptar e luajtur me violinë nga një vogëlushe për të cilën ishte hera e parë që vizitonte vendlindjen e prindërve. Në festë përveç këngëve dhe valleve orkestrale, pati performanca të ndryshme me këngë iso-polifonie tradicionale të zonës. Risi dhe surprizë për banorët ishte dhe një libër i shkruar nga Autori Shyqyri Kullolli dedikuar fshatit të cilin autori e shpërndau falas për disa nga të pranishmit. Organizatorët për vitin që vjen premtojnë një organizim më të mirë të festës duke sjellë më shumë performanca tradicionale të zonës dhe një numër më të madhë të pjesëmarrësve.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Adempimenti gr: 08/08/2022 01:15

    Shume bukur festa dhe kshu i pafshim gjithe fshatrat e shiperise

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu