POP 5

Lajmet më të lexuara të 5 minutave të fundit

Kronikë

Gramsh/ I vodhi sendet personale një të arrestuari, AMP pezullon Nënkomisarin e Policisë! Gjykata i ndalon daljen jashtë vendit

Gjykata e Elbasanit ka caktuar masën e sigurimit personal “ndalimi i daljes jashtë shtetit” dhe “pezullimi i ushtrimit të një detyre a shërbimi publik” ndaj punonjësit të policisë, Nënkomisar G. C., 31 vjeç, me detyrë specialist në Seksionin për Hetimin e Krimeve, në Komisariatin e Policisë Gramsh

Gramsh/ I vodhi sendet personale një të arrestuari, AMP pezullon Nënkomisarin e Policisë! Gjykata i ndalon daljen jashtë vendit

Foto ilustruese

Gramsh- Vjedhja e dyshuar e sendeve personale të një personi të arrestuar, ka çuar drejt akuzës një Nënkomisar të Policisë së Gramshit.

Agjencia e Mbikëqyrjes Policore (Rajoni Elbasan-Korçë) njoftoi se ka ekzekutuar sot (17 Janar) vendimin e Gjykatës së Shkallës së Parë të Jurdiksionit të Përgjithshëm Elbasan, e cila ka caktuar masën e sigurimit personal “ndalimi i daljes jashtë shtetit” dhe “pezullimi i ushtrimit të një detyre a shërbimi publik” ndaj punonjësit të policisë, Nënkomisar G. C., 31 vjeç, me detyrë specialist në Seksionin për Hetimin e Krimeve në Volum, në Komisariatin e Policisë Gramsh.

Efektivi është i dyshuar për veprën penale “vjedhja e kryer duke shpërdoruar detyrën”.

"Nga hetimet e kryera nga AMP janë grumbulluar fakte dhe prova që krijojnë dyshimin se ky punonjës policie, duke shpërdoruar detyrën, ka vjedhur sendet personale të një shtetasi të ndaluar/arrestuar", thuhet në njoftimin zyrtar.

Në fund AMP i bën thirrje të gjithë qytetarëve që t'i denoncojnë rastet abuzive të efektivëve.

"AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave mbikëqyrëse, duke telefonuar në numrin e gjelbër 0800 9090, ose duke dërguar Email në adresën [email protected]", përfundon njoftimi i institucionit mbikëqyrës ndaj policisë.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

17 Janar, 22:48